ગ્રામ પંચાયતની ચૂંટણી પ્રથમ તબક્કામાં યોજાઇ ગઇ છે. અને મતદાન પણ મોડી સાંજે પૂર્ણ થઇ ચૂક્યું છે. તેવા સંજોગોમાં સુરેન્દ્રનગર જિલ્લામાં પણ પ્રથમ તબક્કામાં 10 તાલુકાની 390 ગ્રામપંચાયતોની ચૂંટણી માટે ગઇ કાલે સવારથી મતદાન શરૂ કરવામાં આવ્યું હતું. તેને લઈને ગામડાઓના વિકાસ માટે મતદારોએ લાંબી લાઈનો મતદાન કરવા માટે લાગી હતી. મતદાન મથકો બહાર રસીકરણ તેમજ આરોગ્યને લગતી તમામ પ્રકારની સતર્કતા આરોગ્ય તંત્રે દાખવી હતી. શાંતિપૂર્ણ સુરેન્દ્રનગર જિલ્લામાં 390 ગ્રામ પંચાયતની ચૂંટણી માટે સરપંચ અને સભ્ય બનવા મતદાન કરવામાં આવ્યું હતુ. જેમાં 77.89 ટકા જેટલું મતદાન થયું છે. તેવા સંજોગોમાં લીંબડીના બોરાણા ગામે થોડી ઉમેદવારો વચ્ચે બોલાચાલીના કારણે 30 મિનિટ સુધી મતદાન બંધ રહેવા પામ્યું હતું. જોકે આ મામલે તંત્રને જાણ થતાં પોલીસ સ્ટાફ અને સમગ્ર ટીમ ત્યાં દોડી ગઈ હતી. અને સમજાવટ બાદ મતદાન ફરી એક વખત શરૂ કરવામાં આવ્યું હતું.
બાકી સુરેન્દ્રનગર જિલ્લામાં 10 તાલુકાઓમાં શાંતિપૂર્ણ રીતે મતદાન થયું છે. અને સરપંચ તેમજ સભ્યોના ભવિષ્ય મતદાન પેટીઓમાં સીલ થયા છે. ત્યારે હવે મતદાન પેટી સીલ કરી અને નક્કી કરેલી જગ્યા ઉપર તંત્ર દ્વારા પહોંચાડવામાં આવી રહી છે. ત્યારે હવે મંગળવારે પરિણામ યોજવામાં આવશે. અને મત ગણતરી સાથે સરપંચ અને સભ્યોની બેઠકોના જીતેલા ઉમેદવારો જાહેર કરવામાં આવશે.સુરેન્દ્રનગર જિલ્લા કલેક્ટર પણ મતદાનના દિવસે વહેલી સવારથી તમામ તાલુકાઓના સંવેદનશીલ બૂથોની મુલાકાત લઈ રહ્યા હતા. અને વ્યવસ્થિત રીતે મતદાન થઈ રહ્યું છે કે કેમ તે નિરીક્ષણ પણ તે ખુદ જાત તપાસ કરતા હતા. ત્યારે ઉલ્લેખનીય છે કે, સુરેન્દ્રનગર જિલ્લામાં શિયાળાની સીઝનમાં પણ વહેલી સવારથી જ મતદાનના દિવસે ગામડાઓમાં મતદાન માટે લાંબી લાઈનો લાગી હતી. અને ગામડાના વિકાસ માટે લોકોએ મતદાન કર્યું છે.
સુરેન્દ્રનગર જિલ્લા કલેકટરના દેખરેખ હેઠળ નિરીક્ષણ હેઠળ સુરેન્દ્રનગર જિલ્લામાં વ્યવસ્થિત રીતે ગ્રામ પંચાયતની ચૂંટણી યોજાઇ હતી. અને મતદાન પણ વ્યવસ્થિત રીતે થયું હતુ. તેવા સંજોગોમાં મોડી રાત્રે તંત્ર દ્વારા મતદાન થયેલી મતદાન પેટીઓ સુરક્ષિત સ્થળ ઉપર ખસેડવામાં આવી હતી. અને એક રૂમમાં સીલ કરી દેવામાં આવી હતી. ત્યારે કાલે હવે મતગણતરી યોજાશે અને સરપંચ તથા ગામડાના વિકાસ માટે જે યોગ્ય હશે તેના તરફ પરિણામ મળશે તેવું સ્પષ્ટપણે જાણવા મળશે. ત્યારે હાલમાં વ્યવસ્થિત રીતે મતદાન પેટીઓ સુરક્ષિત સ્થળ ઉપર ખસેડવામાં આવી છે, ને ત્યાં પણ ચાંપતો પોલિસ બંદોબસ્ત ગોઠવી દેવામાં આવ્યો છે.
સુરેન્દ્રનગર જિલ્લામાં સંવેદનશીલ બૂથોની સંખ્યા ખૂબ વધુ હતી. અને કુલ 800 બુથ ઉપર મતદાન યોજાઈ રહ્યું હતું. તે સમયે સુરેન્દ્રનગર જિલ્લાના ધાંગધ્રા કોંઢ ગામે સામાન્ય બાબતે માથાકૂટ સર્જાઈ હતી. બોગસ વોટિંગ થતુ હોવાની રાવ ફરિયાદ ઉઠવા પામી હતી. જોકે આ બનાવના મામલે સુરેન્દ્રનગર એસઓજીની ટીમ અને સ્થાનિક પોલીસ અને તંત્ર ત્યાં દોડી ગયું હતું અને આ મામલે આગળની કાર્યવાહી હાથ ધરવામાં આવી હતી. ત્યારે માથાકૂટના કારણે થોડી વખત મતદાન બંધ રહ્યું હતું. પરંતુ સમજાવટ બાદ ફરી એક વખત મતદાન શરૂ કરવામાં આવ્યું હતું.
સુરેન્દ્રનગર જિલ્લામાં 50 ટકાથી વધુ સંવેદનશીલ બુથો ગ્રામ પંચાયતની ચૂંટણી જાહેર કરવામાં આવી હતી. તેવા સંજોગોમાં સુરેન્દ્રનગર જિલ્લાના લીંબડીના બોરાણા ગામે સામાન્ય માથાકૂટ દરમિયાન 30 મિનિટ સુધી મતદાન બંધ રહેવા પામ્યું હતું. જો કે તાત્કાલિક પણ સ્થાનિક પોલીસ અને તંત્રના કર્મચારીઓ ત્યાં દોડી ગયા હતા અને સમજાવટ બાદ ફરી એક વખત મતદાન ગામડામાં શરૂ કરવામાં આવ્યું હતું. ત્યારે સુરેન્દ્રનગર લોકલ ક્રાઈમ બ્રાંચ અને અન્ય પોલીસ કાફલો પણ આ ઘટના મામલે ત્યાં દોડી ગયો હતો. અને બંને સરપંચોના જૂથોની સમજાવટ બાદ ફરી એક વખત મતદાન શરૂ કરવામાં આવ્યું હતું.
સુરેન્દ્રનગર જિલ્લામાં કાલે વહેલી સવારથી મતદાન યોજવામાં આવ્યુ હતુ. અને સાંજે 6 વાગ્યા સુધી મતદાન યોજવામાં આવ્યું હતું. તેવા સંજોગોમાં સુરેન્દ્રનગર જિલ્લામાં ઊંચું મતદાન થવા પામ્યું છે. ત્યારે ગામડાઓનો વિકાસ ઝંખી રહ્યા છે. તેવા સંજોગોમાં લોકો દ્વારા ઉત્સાહભેર મતદાન કરી અને આગામી દિવસોમાં ગામડાઓના વિકાસ થાય તેવા પ્રયાસો મતદાન મારફતે હાથ ધરવામાં આવ્યા હોય તેવું સ્પષ્ટ રીતે વર્તાઇ રહ્યું છે. તેવા સંજોગોમાં કાલે મતગણતરી યોજવામાં આવશે વિવિધ બુથોની નક્કી કરેલી જિલ્લામાં ઓફિસો ઉપર મતગણતરી બાદ સરપંચો અને સભ્યોના ભાવિ નક્કી થશે. ત્યારે હાલ તો મતદાન પેટીમાં તેમનું ભવિષ્ય સ્થિર થઈ ચૂક્યું છે. અને તંત્ર દ્વારા હવે મતગણતરીની પ્રક્રિયા કાલે વહેલી સવારે હાથ ધરવામાં આવશે.
