જો તમને કોઈ એવી નોકરી મળી જાય જેમાં તમને ઉંઘ લેવાનો પગાર મળે, તો આનાથી વધુ સારુ બીજું શું હોઈ શકે. જો પગાર એક લાખ રૂપિયાથી ઉપર હોય તો? જો કે આ વાત સાંભળી કોઇ પણ કહેશે કે શું મજાક છે, પરંતુ અમે તમને જણાવી દઇએ કે તે આશ્ચર્યજનક નથી. બેંગ્લોર સ્થિત એક કંપની આવી નોકરી આપી રહી છે જેમાં તમારે ફક્ત સુવાનું જ છે. અત્યાર સુધી યુએસ સ્પેસ એજન્સી નાસા તેના સ્પેસ સ્ટડી પ્રોગ્રામ હેઠળ બે મહિના સુધી સુવા માટે 14 લાખ રૂપિયા આપે છે.
આ જોતાં, કર્ણાટક સ્થિત બેંગલુરુની ઓનલાઇન કંપની વેકફિટે પણ આવી જ જોબ નિકાળી છે. કંપની તે વ્યક્તિને 1 લાખ રૂપિયા આપશે જે 100 દિવસ સુધી દરરોજ રાત્રીએ 9 કલાક ઉંઘ લેશે. કંપનીએ આ માટે ઓનલાઇન અરજીઓ પણ મંગાવી છે. ઓનલાઇન સ્લીપ સોલ્યુશન ફર્મે તેના પ્રોગ્રામને વેકફિટ સ્લીપ ઇન્ટર્નશિપ નામ આપ્યું છે. કંપનીએ નોકરી માટે ઓનલાઇન અરજીઓ મંગાવી છે. કંપની વતી શોર્ટલિસ્ટ કરવામાં આવશે તેવા અરજદારોને કેટલી સારી ઉંઘ આવશે તેનો વીડિયો બનાવવો પડશે અને તેમને મોકલવો પડશે. પસંદ કરેલા ઉમેદવારો કંપનીનાં ગાદલા પર સૂઈ જશે. આ ઉપરાંત, તે સ્લીપ ટ્રેકર અને નિષ્ણાતો સાથેનાં કાઉન્સિલિંગ સેશનમાં પણ ભાગ લેશે.
સૂતી વખતે કંપની ઉમેદવારની દરેક પ્રવૃત્તિનો રેકોર્ડ પણ રાખશે. આ પ્રક્રિયામાં સ્લીપ ટ્રેકરનો ઉપયોગ પણ કરવામાં આવશે, જે ઇન્ટર્નશિપ માટે આપવામાં આવેલા ગાદલા પર સૂતા પહેલા અને સૂઈ ગયા બાદ પેટર્ન રેકોર્ડ કરશે. ખુશીની વાત એ છે કે આ નોકરીમાં તમારે ન તો તમારી નોકરી છોડી દેવાની રહેશે અને ન તો ઘર છોડવાની જરૂર રહેશે. તમારે ફક્ત ઘરે કંપનીનાં ગાદલા પર સૂઈ જવાનુ રહેશે અને તમારી સૂવાની રીત રેકોર્ડ કરીને કંપનીને આપવાની રહેશે.
કંપનીનું કહેવું છે કે અમારો પ્રયાસ છે કે લોકોને ભાગ-દૌડ ભર્યા જીવનમાં શાંતિથી સૂવા માટે પ્રોત્સાહિત કરવામાં આવે. કંપનીનાં ડિરેક્ટર અને સહ-સ્થાપક ચૈતન્ય રામલિંગા ગૌડાએ જણાવ્યું હતું કે લોકોની જીવનશૈલી ઝડપથી બદલાઈ રહી છે. લોકોને ઓછી ઉંઘ આવે છે. જેની અસર લોકોનાં સ્વાસ્થ્ય પર પડી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
