All-rounder Glenn Maxwell: ઓસ્ટ્રેલિયાના ઓલરાઉન્ડર ગ્લેન મેક્સવેલ માટે એક મોટા સારા સમાચાર સામે આવ્યા છે. મેક્સવેલને એક-બે નહીં પરંતુ 5 વર્ષના લાંબા ગાળા બાદ ઓસ્ટ્રેલિયાની ટેસ્ટ ટીમમાં સ્થાન મળ્યું છે. સપ્ટેમ્બર 2017માં પોતાની છેલ્લી ટેસ્ટ મેચ રમનાર મેક્સવેલને શ્રીલંકા સામે આગામી ટેસ્ટ શ્રેણી માટે ટીમમાં સામેલ કરવામાં આવ્યો છે. મેક્સવેલને આ તક એટલા માટે મળી છે કારણ કે શ્રીલંકા પ્રવાસ પર ઓસ્ટ્રેલિયન ટીમની ઈંજરી લિસ્ટ મોટી થઈ ગઈ છે.
સફેદ બોલના ક્રિકેટના સ્પેશિયાલિસ્ટ કહેવાતા ગ્લેન મેક્સવેલ ઓસ્ટ્રેલિયન ટીમ માટે માત્ર 7 ટેસ્ટ મેચ રમ્યા છે. તેણે ભલે 2013માં રેડ બોલ ક્રિકેટમાં ડેબ્યૂ કર્યું હોય, પરંતુ 2017 સુધી તે માત્ર 7 ટેસ્ટ મેચોમાં જ ભાગ લઈ શક્યો હતો. આ દરમિયાન તેણે સદી પણ ફટકારી હતી, પરંતુ તે તેટલો અસરકારક સાબિત થયો ન હતો. આ સમયે પણ તેને મર્યાદિત ઓવરના ક્રિકેટમાં તેના પ્રદર્શનના આધારે ટેસ્ટ ટીમમાં સામેલ કરવામાં આવ્યો છે.
શ્રીલંકાના પ્રવાસે આવેલી ઓસ્ટ્રેલિયાની ટીમ સતત ઈજાઓનો સામનો કરી રહી છે. સ્ટીવ સ્મિથ, મિશેલ સ્ટાર્ક, મિશેલ માર્શ, ટ્રેવિસ હેડ, સીન એબોટ અને એશ્ટન અગર જેવા ખેલાડીઓ સહિત ટીમના અડધો ડઝન મુખ્ય ખેલાડીઓ ઈજાઓથી પરેશાન છે. આવી સ્થિતિમાં ક્રિકેટ ઓસ્ટ્રેલિયાએ ઓસ્ટ્રેલિયાની ટેસ્ટ ટીમમાં ગ્લેન મેક્સવેલની પસંદગી કરી છે. જો કે, તેઓ તે મેળવી શકશે કે નહીં, તે જોવાનું બાકી છે.
આ પણ વાંચો: Corona Strain/ લોંગ કોવિડ અને હાર્ટ એટેકના કેસોમાં વધારો, જાણો આ મુદ્દે નિષ્ણાત ડોક્ટરો શું માનવું છે
આ પણ વાંચો: Presidential Election 2022/ દ્રૌપદી મુર્મુ PM મોદીને મળ્યા, વખાણમાં કહ્યું- તેમની ઉમેદવારીની તમામ વર્ગોએ પ્રશંસા કરી
આ પણ વાંચો: સુરત/ બારડોલી સુગર ફેક્ટરીમાં કિશોરનું મોત : મહિલા મોરચાની નિષ્પક્ષ તપાસની માગ
