Gmail End-to-End Encryption Summary: ગૂગલે તેના કરોડો યુઝર્સ માટે સુરક્ષાના સ્તરને વધારતા જીમેલ (Gmail) માં ‘એન્ડ-ટુ-એન્ડ એન્ક્રિપ્શન’ (End-to-End Encryption) ફીચર આપવાની જાહેરાત કરી છે. અત્યાર સુધી આ સુવિધા વોટ્સએપ અને ટેલિગ્રામ જેવા મેસેજિંગ પ્લેટફોર્મ પર ઉપલબ્ધ હતી, પરંતુ હવે Gmail યુઝર્સ પણ મોબાઈલ એપ દ્વારા અત્યંત સુરક્ષિત ઈમેલ મોકલી શકશે. આ ફીચરની મદદથી મોકલનાર અને મેળવનાર સિવાય અન્ય કોઈ વ્યક્તિ, અહીં સુધી કે ગૂગલ પોતે પણ તમારો ઈમેલ વાંચી શકશે નહીં.
શું છે એન્ડ-ટુ-એન્ડ એન્ક્રિપ્શન?
તે એક પ્રકારનું ડિજિટલ સિક્યુરિટી લોક સિસ્ટમ છે. સરળ ભાષામાં સમજીએ તો, જ્યારે તમે કોઈ ઈમેલ મોકલો છો, ત્યારે તે ડેટા એન્ક્રિપ્ટેડ થઈ જાય છે અને તેની ‘ડિજિટલ ચાવી’ ફક્ત તેને મેળવનાર પાસે જ હોય છે. આનાથી હેકિંગ કે ડેટા લીક થવાનું જોખમ નહિવત થઈ જાય છે.
Gmail ના આ નવા અપડેટના ફાયદા:
સીધું મોબાઈલ એપથી એક્સેસ: અત્યાર સુધી એન્ક્રિપ્ટેડ ઈમેલ માટે ડેસ્કટોપ કે થર્ડ પાર્ટી સોફ્ટવેરની જરૂર પડતી હતી, પરંતુ હવે એન્ડ્રોઇડ અને આઇફોન યુઝર્સ સીધા Gmail એપથી જ આ ફીચર વાપરી શકશે.
કોઈ વધારાના સોફ્ટવેરની જરૂર નહીં: સેન્સેટિવ માહિતી મોકલવા માટે હવે અલગથી કોઈ એક્સટેન્શન કે સિક્યુરિટી લેયરની જરૂર રહેશે નહીં.
વર્કસ્પેસ યુઝર્સ માટે સુવિધા: હાલમાં આ સુવિધા ગૂગલ વર્કસ્પેસના એન્ટરપ્રાઈઝ યુઝર્સ માટે શરૂ કરવામાં આવી છે.
કોને અને કેવી રીતે મળશે આ સુવિધા?
આ ફીચર ગૂગલ વર્કસ્પેસના તે યુઝર્સને મળશે જેમની પાસે ક્લાયન્ટ-સાઇડ એન્ક્રિપ્શન ક્ષમતા છે.
આ સુવિધા મેળવવા માટે એડમિન કન્સોલ દ્વારા એન્ડ્રોઇડ અને iOS સપોર્ટ એક્ટિવેટ કરવો પડશે.
ગૂગલે જણાવ્યું છે કે આ અપડેટ રેપિડ અને શેડ્યૂલ બંને રિલીઝ ડોમેન માટે લાઈવ થઈ ચૂક્યું છે.
આ પણ વાંચો: ગૂગલ મેપ્સમાં આવ્યું Gemini AI નું નવું ફીચર, ફોટા-વીડિયો માટે જાતે બનશે કેપ્શન.
આ પણ વાંચો: સીએનજી કે હાઇબ્રિડ? જાણો કઈ ટેકનોલોજી તમારા માટે છે ફાયદાકારક, કઈ કારમાં મળશે વધુ માઇલેજ
આ પણ વાંચો: સાયબર ઠગથી બચવા માટે વરદાન છે ‘ચક્ષુ પોર્ટલ’, શંકાસ્પદ કોલ કરનારનો મોબાઈલ જ થઈ જશે બ્લેકલિસ્ટ
