રાસ ગરબા વિશેની પ્રવૃત્તિ કરતાં વિખ્યાત લોકનૃત્યકાર ચેતન જેઠવાના સપ્તક ફોક ડાન્સ ગ્રુપ’ના 11 સભ્યો રાસ ગરબાના વિધ્યાર્થીઓને ભારત સરકાર લોકનૃત્યના પર્ફોર્મન્સ માટે તુર્કી મોકલી રહી છે. સમગ્ર ભારત માંથી ગોંડલ ના ગ્રુપ ની પસંદગી કરવામાં આવ્યું.
ગોંડલ શહેરમાં છેલ્લાં ઘણાં સમયથી રાસ ગરબાના ક્લાસ ચલાવતાં અને રાસ ગરબા વિશેની પ્રવૃત્તિ કરતાં પ્રસિદ્ધ લોકનૃત્યકાર ચેતન જેઠવા અને એમના ‘સપ્તક ફોક ડાન્સ ગ્રુપ’ ના 11 સભ્યો રાસ ગરબાના વિધ્યાર્થીઓને ભારત સરકાર લોકનૃત્યના પર્ફોર્મન્સ માટે ‘તુર્કિ’ મોકલી રહી છે. જ્યાં તેઓ ૩૪ દેશોમાંથી આવેલાં લોકનૃત્યકારોની વચ્ચે ભારતનુ પ્રતિનિધીત્વ કરશે. આ કાર્યક્રમમાં દરેક દેશે પોતાની ફક્ત એક જ ટીમ મોકલવાની હોય છે જેમાં સમગ્ર ભારતમાંથી આ ટીમની પસંદગી થઇ છે તા. ૨ થી ૭ જૂલાઇ દરમ્યાન તુર્કિમાં એમના પર્ફોર્મન્સીઝ છે આ ગ્રુપના ચેતન જેઠવા ત્રીજી વાર ભારત દેશનુ પ્રતિનિધિત્વ કરવાં જઇ રહ્યાં છે. આ અગાઉ ૨૦૧૪માં યુરોપના પાંચ દેશોમાં 16 પર્ફોર્મન્સ તેમજ ર૦૧૭ માં તાન્ઝાનિયામાં કુલ 4 પર્ફોર્મન્સમાં પણ એમણે સમગ્ર રાષ્ટ્રની આગેવાની લીધેલ છે આ ઉપરાંત નેપાળ અને ઓમાનમાં પણ એમણે અને એમની ટીમે રાસ-ગરબા રજુ કરેલ છે.
ખાસ વાત એ છે કે ભારત સરકાર એમને તુર્કિ મોકલવાં માટે સ્પેશ્યલ વ્હાઇટ પાસપોર્ટ ઇશ્યુ કરશે જેને ઓફિશીયલ પાસપોર્ટ પણ કહેવાય છે જે બ્લ્યુ પાસપોર્ટ કરતાં અલગ હોય છે અને વ્હાઇટ પાસપોર્ટ પર ટ્રાવેલ કરવું એનો મતલબ એ છે કે તમે સમગ્ર રાષ્ટ્ર વતી પર્ફોર્મ કરવાં જઈ રહ્યાં છો અને આ વ્હાઇટ પાસપોર્ટ પર તેઓ બીજી વાર ટ્રાવેલ કરશે સમગ્ર ગુજરાતમાંથી વ્હાઇટ પાસપોર્ટ પર એક કરતાં વધારે મુસાફરી કરનાર ચેતન જેઠવા અને એમની ટિમના બે સભ્યો જયદિપ રૈયાણી અને દેહુતી સોલંકી એ ત્રણ લોકો પહેલા વ્યક્તિ છે.
આ ઉપરાંત ચેતન જેઠવાએ વર્ષ ૨૦૧૨ માં રાષ્ટ્રિય કક્ષાના બ્લોકબસ્ટર મેગા હિટ કાર્યક્રમ”કૌન બનેગા કરોડપતિ” માં પણ મિલેનીયમ સ્ટાર અમિતાભ બચ્ચનની સામે ગરબા પ્રસ્તુત કરીને ગરબાને ટેલિવિઝન સુધી પહોચાડેલ છે એમનો આખો એપિસોડ જ નવરાત્રી સ્પેશ્યલ અને ગરબા સ્પેશ્યલ હતો જેમાં ચેતન જેઠવા રૂ. ૬,૪૦,૦૦૦ જીત્યા હતાં. રાષ્ટિય અને આંતરરાષ્ટ્રિય સ્તરે ચેતન જેઠવા અને એમના ગ્રુપે લગભગ 500 કરતાં પણ વધારે પર્ફોર્મન્સિઝ આપેલ છે અને એવી જ રીતે ચેતન જેઠવા રાષ્ટિય અને આંતરરાષ્ટ્રિય સ્તરે રાસ ગરબાની હરિફાઇમાં નિર્ણાયક તરીકે પણ અનેક વખત ગયાં છે.
આ પણ વાંચો : આ શાળા વિદ્યાર્થિઓને અભ્યાસ કરાવવાની સાથે તેમની લાગણીને પણ આપે છે વાચા
