Gujarat News: ગુજરાત પબ્લિક સર્વિસ કમિશન (GPSC) દ્વારા રાજ્ય કર નિરીક્ષક (State Tax Inspector, વર્ગ-3)ની 323 જગ્યાઓ માટેની ભરતી પ્રક્રિયાની પ્રિલિમિનરી પરીક્ષા આજે રાજ્યભરમાં યોજાઈ છે.અમદાવાદ (Ahmedabad) સહિત ગાંધીનગર (Gandhinagar), વડોદરા (Vadodara), સુરત (Surat), રાજકોટ (Rajkot) જેવા મુખ્ય જિલ્લા કેન્દ્રો પર આ પરીક્ષા બપોરે 12 વાગ્યાથી શરૂ થશે.આ ભરતી માટે હજારો ઉમેદવારોએ અરજી કરી હતી, અને આજે તેઓ પોતાની કારકિર્દીના મહત્વના તબક્કામાંથી પસાર થશે. GPSCની અધિકૃત સૂચના અનુસાર, પરીક્ષા ઓફલાઇન મોડમાં લેવામાં આવશે, અને તેમાં જનરલ સ્ટડીઝ પર આધારિત 200 ગુણના ઑબ્જેક્ટિવ પ્રશ્નો પૂછાશે.
GPSC ST ઇન્સ્પેક્ટર 2026 પરીક્ષા
પરીક્ષા પરીક્ષા બપોરે 12:00 વાગ્યાથી શરૂ થશે અને તેની અવધિ 2 કલાકની રહેશે. તમામ ઉમેદવારો (Candidates) ને પરીક્ષા ખંડમાં પ્રવેશ માટે સવારે 11:00 વાગ્યાથી મંજૂરી આપવામાં આવશે, ત્યારબાદ મોડું પહોંચનાર ઉમેદવારોને કોઈ પણ સંજોગોમાં પ્રવેશ આપવામાં આવશે નહીં. પરીક્ષા રાજ્યના વિવિધ જિલ્લાઓમાં આવેલા કેન્દ્રો પર યોજાશે, જેમાં ઉમેદવારનું ચોક્કસ પરીક્ષા કેન્દ્ર એડમિટ કાર્ડમાં દર્શાવેલ હશે. આ પરીક્ષા દ્વારા કુલ 323 વર્ગ-3 જગ્યાઓ માટે ભરતી કરવામાં આવશે. પ્રિલિમ્સ પરીક્ષા પાસ કરનાર ઉમેદવારોને 22થી 24 માર્ચ 2026 દરમિયાન યોજાનારી મેન્સ પરીક્ષા આપવાની તક મળશે.
