કોરોના કપરા સમયમાં ગરીબ લોકોને બે મહિના સુધી અનાજ પુરૂ પાડવાની જાહેરાત કેન્દ્ર સરકાર દ્વારા કરવામાં આવી છે તેના અતર્ગત કેન્દ્ર સરકાર રાજ્યોની સરકારને અન્નનો પુરવઠો મોકલી રહી છે. રાજકોટ ખાતે ફૂડ કોર્પોરેશન ઓફ ઇન્ડિયા દ્વારા ઘઉંની ગુડ્સ ટ્રેન પહોંચાડવામાં આવી છે. આ ઘઉંની ટ્રેન હરિયાણાના તોહાનાથી આવી જે કુલ 3,300 મેટ્રિક ટનની છે.કોરોનાને કારણે અનેક ગરીબ અને જરૂરિયાતમંદ લોકોએ પોતાની નોકરી ગુમાવી છે, ત્યારે કેન્દ્ર સરકાર રાજ્યોની સરકારને અન્નનો પુરવઠો મોકલી રહી છે. જે પ્રધાનમંત્રી ગરીબ કલ્યાણ અન્ન યોજના અંતર્ગત રાજ્ય સરકારને મળી રહી છે, ત્યારે આજે રવિવારે રાજકોટ ખાતે ફૂડ કોર્પોરેશન ઓફ ઇન્ડિયા દ્વારા ઘઉંની ગુડ્સ ટ્રેન પહોંચાડવામાં આવી છે. આ ઘઉંની ટ્રેન હરિયાણાના તોહાનાથી આવી જે કુલ 3,300 મેટ્રિક ટનની છે.
કેન્દ્ર સરકાર દ્વારા રાજ્ય સરકારને એક મહિના દીઠ 1 લાખ 71 હજાર મેટ્રિક ટન અનાજ મોકલવાની પરવાનગી આપી છે. તે પૈકી આ મહિનામાં 50 હજાર મેટ્રિક ટન ગુજરાતને મળ્યું છે. ફૂડ કોર્પોરેશન ઓફ ઇન્ડિયા દ્વારા ગુજરાતમાં પુરવઠો પોંહચાડવાની કામગીરી થઇ રહી છે. રાજકોટ રેલવે ડેપોમાં આવેલા ઘઉંનો પુરવઠો રાજકોટ જિલ્લા સહિત ગીર સોમનાથને પુરો પાડવામાં આવશે.
