Business News: GST Collection October 2026 ભારતમાં (GST )કલેક્શનમાં ઓક્ટોબર 2026 દરમિયાન જોરદાર વધારો નોંધાયો છે. સરકારી આંકડા મુજબ, ઓક્ટોબરમાં દેશનું કુલ કલેક્શન વાર્ષિક ધોરણે 23 ટકા વધીને ₹2.31 લાખ કરોડથી વધુ થઈ ગયું છે. સ્થાનિક આર્થિક પ્રવૃત્તિઓમાં વધારો અને આયાતમાંથી મળતી આવકમાં નોંધપાત્ર વૃદ્ધિના કારણે કલેક્શનમાં આટલો મોટો ઉછાળો જોવા મળ્યો છે.
સરકાર દ્વારા જાહેર કરવામાં આવેલા આંકડા અનુસાર, ઓક્ટોબર મહિનામાં સ્થાનિક વેચાણમાંથી મળતીઆવકમાં પણ સારો વધારો થયો છે. આ આંકડા દેશની આર્થિક પ્રવૃત્તિ અને વપરાશમાં સતત મજબૂતી તરફ સંકેત આપે છે.
સ્થાનિક વેચાણથી GST કલેક્શનમાં 16%નો વધારો
ઓક્ટોબર 2026માં સ્થાનિક વેચાણથી મળતું કલેક્શન વાર્ષિક ધોરણે 16 ટકા વધીને ₹1.59 લાખ કરોડથી વધુ થયું છે. સ્થાનિક બજારમાં ખરીદી અને વેચાણની પ્રવૃત્તિમાં વધારો થતાં સરકારની આવકમાં પણ વધારો નોંધાયો છે.
આ ઉપરાંત, આયાતમાંથી મળતી આવકમાં તો વધુ ઝડપી વૃદ્ધિ જોવા મળી છે. ઓક્ટોબરમાં ઇમ્પોર્ટથી મળેલી આવક 42 ટકા વધીને ₹72,246 કરોડ થઈ ગઈ છે. આયાત સંબંધિત આવકમાં આટલો મોટો વધારો કુલ કલેક્શનને ઊંચું લાવવામાં મહત્વપૂર્ણ સાબિત થયો છે.
ઓક્ટોબરના કુલ કલેક્શનમાં CGSTનો હિસ્સો ₹42,935 કરોડ, જ્યારે SGST નો હિસ્સો ₹51,340 કરોડ રહ્યો હતો. બીજી તરફ, IGSTમાંથી સરકારને ₹1.37 લાખ કરોડથી વધુની આવક મળી હતી.
GST રિફંડમાં પણ વધારો
ઓક્ટોબર દરમિયાન સરકાર દ્વારા આપવામાં આવેલા GST રિફંડમાં પણ વધારો નોંધાયો છે. સરકારી આંકડા અનુસાર, GST રિફંડ વાર્ષિક ધોરણે 6.5 ટકા વધીને ₹27,934 કરોડ થયું છે.
રિફંડને સમાયોજિત કર્યા બાદ ઓક્ટોબર 2026માં દેશનું નેટ કલેક્શન 26 ટકા વધીને ₹2.03 લાખ કરોડથી વધુ રહ્યું છે. એટલે કે ગ્રોસ કલેક્શનની સાથે નેટ કલેક્શનમાં પણ મજબૂત વૃદ્ધિ જોવા મળી છે.
નેટ GST કલેક્શનનો આ વધારો સરકાર માટે મહત્વપૂર્ણ છે, કારણ કે રિફંડ બાદ પણ સરકારી તિજોરીમાં GST મારફતે મોટી આવક આવી રહી છે.
એપ્રિલથી ઓક્ટોબર સુધી કલેક્શન કેટલું થયું?
ચાલુ નાણાકીય વર્ષ 2026-27માં એપ્રિલથી ઓક્ટોબર સુધીના સમયગાળામાં પણ GST કલેક્શનમાં મજબૂત વૃદ્ધિ નોંધાઈ છે.
આ સાત મહિનાના સમયગાળામાં ગ્રોસ કલેક્શન 13.2 ટકા વધીને ₹14.77 લાખ કરોડથી વધુ થઈ ગયું છે. જ્યારે રિફંડ બાદનું નેટ કલેક્શન 13 ટકા વધીને ₹12.69 લાખ કરોડથી વધુ રહ્યું છે.
આ આંકડા દર્શાવે છે કે ચાલુ નાણાકીય વર્ષમાં આવક સતત મજબૂત બની રહી છે. સ્થાનિક વપરાશ, વેપાર અને આયાત સંબંધિત પ્રવૃત્તિઓમાં વૃદ્ધિની સીધી અસર કલેક્શન પર જોવા મળી રહી છે.
સપ્ટેમ્બરમાં પણ GST કલેક્શનમાં થયો હતો વધારો
ઓક્ટોબર પહેલા સપ્ટેમ્બર 2026માં પણ કલેક્શનમાં નોંધપાત્ર વૃદ્ધિ નોંધાઈ હતી. સપ્ટેમ્બર 2026માં દેશનું કુલ કલેક્શન 14.7 ટકા વધીને ₹2.03 લાખ કરોડથી વધુ રહ્યું હતું.
સપ્ટેમ્બર 2025ની સરખામણીમાં આ કલેક્શન નોંધપાત્ર રીતે વધારે હતું. સપ્ટેમ્બર દરમિયાનરિફંડ 3 ટકા ઘટીને ₹27,001 કરોડ રહ્યો હતો.
રિફંડને બાદ કર્યા બાદ સપ્ટેમ્બર 2026માં નેટ કલેક્શન 18.1 ટકા વધીને ₹1.76 લાખ કરોડથી વધુ થયું હતું. આ રીતે સતત બે મહિનામાં આવકમાં મજબૂત વૃદ્ધિ જોવા મળી છે.
અર્થવ્યવસ્થા માટે શું સંકેત?
October 2026 ના આંકડા દેશની આર્થિક પ્રવૃત્તિ માટે મહત્વપૂર્ણ માનવામાં આવી શકે છે. સ્થાનિક વેચાણમાંથી મળતી આવકમાં વધારો દર્શાવે છે કે બજારમાં આર્થિક પ્રવૃત્તિ સક્રિય રહી છે. બીજી તરફ, આયાતમાંથી મળતી આવકમાં 42 ટકાનો વધારો પણ વેપાર પ્રવૃત્તિમાં મજબૂતીનો સંકેત આપે છે.
કલેક્શન સરકારની આવકનો મહત્વપૂર્ણ સ્ત્રોત છે. તેથી કલેક્શનમાં સતત વૃદ્ધિ સરકારની નાણાકીય સ્થિતિ માટે પણ સકારાત્મક બાબત છે.
ઓક્ટોબરમાં ₹2.31 લાખ કરોડથી વધુનું ગ્રોસ કલેક્શન નોંધાવું એ ખાસ કરીને મહત્વપૂર્ણ છે, કારણ કે સ્થાનિક વેચાણ અને આયાત બંનેમાંથી આવકમાં વધારો થયો છે. હવે આગામી મહિનાઓમાં પણ કલેક્શન આ જ ગતિ જાળવી રાખે છે કે નહીં તેના પર અર્થતંત્રના નિષ્ણાતોની નજર રહેશે.
