અમદાવાદ મ્યુનિસિપલ કોર્પોરેશનનું આરોગ્ય ખાતું ચેકિંગ કરીને સ્વાસ્થ્યને નુકસાનકારક વસ્તુનો નાશ કરીને લોકો પાસે દંડ વસૂલે છે, જો કે વાડ જ ચીભડા ગળે તે રીતે કોર્પોરેશનની પ્રેસમાં લોકોને એક્સપાયરી ડેટ વાળી પીવાના પાણીની બોટલ આપવામાં આવી હતી.
કોર્પોરેશન દ્વારા મેયરની અધ્યક્ષતામાં બુક ફેરની પ્રેસનું આયોજન કરવામાં આવ્યું હતું. આ કોન્ફરન્સમા માર્ચ માસમા મેન્યુફેક્ચરીંગ કરેલી એએમસી જળની બોટલ પીવા માટે આપવામાં આવી.
આ બોટલનો છ મહિના સુધી વપરાશ કરી શકાય એટલે કે સપ્ટેમ્બર માસ પછી તેનો ઉપયોગ કરી શકાય નહીં.
છતાં આવું પાણી પીવા માટે આપવામાં આવ્યું જે કોર્પોરેશનની ઘોર બેદરકારી દર્શાવે છે. કોર્પોરેશન દ્વારા બજારમા પાણીની બોટલોનું વેચાણ પણ કરવામાં આવે છે ત્યારે બજારમાં પણ એક્સપાયરી પાણીની બોટલો નથી વેચાતીને? તેની પણ તપાસ થવી જોઈએ..જો આવુ પાણી પાવાથી કોઇના આરોગ્યને નુકશાન થાય તો તેની જવાબદારી કોની? આ અંગે તાપાસ કરવાની વાત કરીને મ્યુનિસિપલ કમીશનર છટકી ગયા હતા
