અમદાવાદમાં આડેધડ ટ્રાફિકની સમસ્યાને કાબુમાં લેવા માટે અમદવાદ પોલીસ દ્વારા છેલ્લા ત્રણ માસથી ટ્રાફિક ડ્રાઈવ સહિતના પગલાં સહિતના લેવા પડ્યા છે.
ત્યારે પોલીસે ગુજરાત હાઇકોર્ટમાં સોગંદનામું દાખલ કરતા જણાવ્યું કે, મોલ અને મલ્ટીપ્લેક્સ જાહેર સ્થળો છે. તેમાં પાર્કિંગની સુવિધા આપવી એ સંચાલકોની જવાબદારી છે.
મોલ મલ્ટીપ્લેક્સ દ્વારા પાર્કિંગ સ્થળના નિભાવ માટે પાર્કિંગ ચાર્જ વસૂલવો જરૂરી હોવાનો દાવો કરતા સંચાલકો હાઇકોર્ટ ગયા છે. જોકે, પોલીસે હાઇકોર્ટમાં સોગંદનામું રજુ કર્યું હતું. જેમાં જણાવાયું છે કે, મોલ અને મલ્ટીપ્લેક્સ સંચાલકો પાર્કિંગ ચાર્જ ઉઘરાવી લોકોને રસ્તા પર વાહન પાર્ક કરવા માટે મજબુર કરવા એ કાયદેસર ગુનો છે.
પોલીસે સોગંદનામામાં એવું પણ જણાવ્યું કે, ગુજરાત હાઇકોર્ટે આપેલા ચુકાદા અને નિર્દેશોનું પાલન કરવું, તે પોલીસની પ્રાથમિક જવાબદારી છે. સાથે જ ખંડપીઠ દ્વારા કરવામાં આવેલી પોલીસ કામગીરીની પ્રશંસાને પણ સોગંદનામામાં આવરી લેવામાં આવી હતી.