અમદાવાદ
અમદાવાદના છારાનગરમાં સ્થાનિકો અને પોલીસ વચ્ચે ઘર્ષણ મામલે વકીલો હડતાળ ઉતર્યા છે. ધરપકડના વિરોધમાં મેટ્રોકોર્ટના વકીલોએ હડતાળ કરી વિરોધ પ્રદર્શન કર્યુ. આ વકીલો કામથી અળગા રહીને વિરોધ કરી રહ્યા છે.
ઉલ્લેખનીય છે કે 26 જુલાઇની રાત્રીએ પોલીસ ઉપર હુમલો થયો હતો. હુમલા બાદ પોલીસે 29 આરોપીઓની ધરપકડ કરી હતી. આ પકડાયેલા આરોપીઓમાં ત્રણ વકીલ પણ હતા. મેટ્રોકોર્ટમાં ત્રણેય આરોપીઓ વકીલાત કરે છે. ત્રણેયની ધરપકડ બાદ વકીલ આલમમાં રોષનો માહોલ છવાયો છે.
આ હુમલામાં પીએસઆઈ સાથે હુમલામાં 4 પોલીસકર્મી ઇજાગ્રસ્ત થયાં. તેમજ પીએસઆઈને સિવિલ હોસ્પિટલમાં લઈ જવામાં આવ્યા હતા. છારાનગરમાં ચાલતુ દારૂબંધીની રેડ કરવા ગયેલી પોલીસ પર હુમલો કરવામાં આવ્યો હતો. સમગ્ર વિસ્તારમાં 1 હજાર પોલીસનો કાફલો બંદોબસ્તમાં રાખવામાં આવ્યો હતો. સાથે જ પોલીસે 30 થી વધુ લોકોની અટકાયત કરી હતી.
