Gujarat Monsoon Forecast 2026: ગુજરાતના ખેડૂતો અને સામાન્ય નાગરિકો માટે ચોમાસાને લઈને થોડા ચિંતાજનક સમાચાર સામે આવ્યા છે. ભારતીય હવામાન વિભાગ (IMD) ની આગાહી મુજબ, આ વર્ષે ચોમાસા પર વૈશ્વિક આબોહવાની ઘટના ‘અલ નીનો’ (El Nino) નું ગ્રહણ જોવા મળશે, જેના કારણે રાજ્યમાં સામાન્ય કરતાં ઓછો વરસાદ પડવાની પૂરી શક્યતા છે. જોકે, અરબ સાગર અત્યારે નિષ્ક્રિય હોવાથી અને પશ્ચિમી પવનો નબળા પડવાના કારણે ચોમાસાની પ્રગતિ થોડી ધીમી પડી છે, જેના લીધે લોકોને જૂનના મધ્યમાં પણ આકરી ગરમી અને બફારો સહન કરવો પડી રહ્યો છે.

પેસિફિક મહાસાગરમાં અલ નીનો સક્રિય, 197 જિલ્લામાં એલર્ટ

હવામાન વિભાગના સત્તાવાર અહેવાલ અનુસાર, ભૂમધ્ય પ્રશાંત મહાસાગર (Pacific Ocean) પર અલ નીનોની સ્થિતિ સંપૂર્ણપણે સક્રિય થઈ ચૂકી છે અને દક્ષિણ-પશ્ચિમ ચોમાસા દરમિયાન આ સિસ્ટમ વધુ મજબૂત બનશે. આ નબળા ચોમાસાની સ્થિતિને પહોંચી વળવા માટે કેન્દ્ર સરકારે દેશના 197 જિલ્લાઓમાં તાત્કાલિક આકસ્મિક આયોજન (Contingency Plan) અને મોનિટરિંગ માટે કડક સૂચનાઓ આપી દીધી છે.

ખેડૂતોને સરકારની ખાસ સલાહ

અલ નીનોની સૌથી વધુ ઘાતક અસર સપ્ટેમ્બર મહિનામાં જોવા મળી શકે છે, જેના કારણે વરસાદમાં ભારે વધઘટ થશે. આ પરિસ્થિતિને જોતાં સરકારે ખેડૂત ભાઈઓને ખાસ અપીલ કરી છે કે તેઓ ખેતીમાં મોટું જોખમ લેવાના બદલે કઠોળ, જાડું ધાન્ય કે ઓછા પાણીએ અને ટૂંકા સમયમાં તૈયાર થઈ જાય તેવા પાકોનું જ વાવેતર કરે, જેથી મોટું આર્થિક નુકસાન ન થાય.

ગુજરાતમાં ક્યારે થશે Monsoonની વિધિવત એન્ટ્રી?

સામાન્ય રીતે ગુજરાતમાં 15 જૂનની આસપાસ ચોમાસું બેસી જતું હોય છે, પરંતુ ચાલુ વર્ષે પવનોની દિશા બદલાતા વિલંબ થયો છે. હવામાન વિભાગના લેટેસ્ટ મોડેલ્સ (NCMRWF) અનુસાર:

ગુજરાતમાં હવે 21 થી 25 જૂન 2026 દરમિયાન ચોમાસું (Monsoon) વિધિવત રીતે પ્રવેશે તેવી મજબૂત શક્યતા છે.

દક્ષિણ ગુજરાતમાં 23 જૂન આસપાસ સત્તાવાર ચોમાસું બેસી જશે, જ્યારે સૌરાષ્ટ્ર અને મધ્ય ગુજરાત તરફ તે 25 જૂન પછી આગળ વધશે.

આગામી 7 દિવસ રાજ્યમાં પ્રી-મોન્સૂન વરસાદની આગાહી

એક તરફ ચોમાસું મોડું ચાલી રહ્યું છે, તો બીજી તરફ મધ્ય પાકિસ્તાન અને પશ્ચિમ રાજસ્થાન પર એક સાયક્લોનિક સર્ક્યુલેશન (Cyclonic Circulation) સક્રિય થયું છે. આ સિસ્ટમ તેમજ બંગાળની ખાડીમાં બનનારા સંભવિત લો-પ્રેશરના કારણે ગુજરાતમાં આગામી 7 દિવસ સુધી પ્રી-મોન્સૂન એક્ટિવિટીના ભાગરૂપે હળવોથી મધ્યમ વરસાદ વરસી શકે છે:

સુરત, તાપી, ડાંગ, નવસારી, વલસાડ, છોટાઉદેપુર, નર્મદા તેમજ દમણ અને દાદરા નગર હવેલીમાં ગાજવીજ સાથે હળવો વરસાદ (Monsoon)ચાલુ રહેશે.

18 થી 19 જૂન દરમિયાન વરસાદનો વ્યાપ વધતા સૌરાષ્ટ્રના દરિયાકાંઠાના વિસ્તારો જેવા કે અમરેલી, ભાવનગર, ગીર સોમનાથ અને દીવમાં પણ હળવા ઝાપટાં (Monsoon)પડી શકે છે. જોકે, ઉત્તર ગુજરાત અને કચ્છ પ્રદેશમાં હવામાન મુખ્યત્વે સૂકું રહેશે.

આ પણ વાંચો : આ તારીખે બેસશે ચોમાસું, અંબાલાલ પટેલે કાળઝાળ ગરમી વચ્ચે કમોસમી વરસાદની પણ કરી આગાહી

આ પણ વાંચો : ગુજરાતના આ વિસ્તારોમાં સૌથી પહેલા પહોંચશે ચોમાસું, જાણો આગાહી

આ પણ વાંચો : ગુજરાતમાં આ તારીખે બેસશે ચોમાસું, અંબાલાલ પટેલે કરી વાવાઝોડા અને વરસાદની આગાહી