ગુજરાત રાજ્યમાં કોરોનાએ છેલ્લા બે વર્ષમાં ભારે તબાહી મચાવી છે. અનેક લોકોના જીવ લીધા છે. ગુજરાત સરકાર પણ કોરોના સામે દ્રઢતાથી લડી છે. ત્યારે સરકાર દ્વારા ખોબો ભરીને દંડ પણ વસૂલવામાં આવ્યો છે. ગુજરાતના લોકો માસ્ક ન પહેરવા બદલ પ્રતિ મિનિટ 2,377 રૂપિયા ચૂકવે છે. ગુરુવારે આ વાતનો ખુલાસો થયો જ્યારે રાજ્ય સરકારે વિધાનસભામાં રજૂ કરાયેલા પ્રશ્નના જવાબમાં કહ્યું કે તેણે છેલ્લા બે વર્ષમાં માસ્ક નિયમનું ઉલ્લંઘન કરનારા લોકો પાસેથી 249.81 કરોડ રૂપિયા વસૂલ કર્યા છે.
કુલ 36.27 લાખ લોકોને દંડ ફટકારવામાં આવ્યો હતો
સરકારે કહ્યું કે ગુજરાત પોલીસે 1 ફેબ્રુઆરી, 2020 થી 31 જાન્યુઆરી, 2022 વચ્ચે માસ્ક ન પહેરવા બદલ કુલ 36.27 લાખ લોકોને દંડ ફટકાર્યો છે. લગભગ 52,907 લોકોએ સ્થળ પર જ દંડ ભરવાનો ઇનકાર કર્યો હતો. શરૂઆતમાં, સરકારે 200 રૂપિયાનો દંડ વસૂલ્યો હતો, જે વધારીને 500 રૂપિયા કરવામાં આવ્યો હતો. ઓગસ્ટ 2020 થી, માસ્ક ન પહેરવા બદલ દંડ વધારીને 1,000 રૂપિયા કરવામાં આવ્યો.
બે વર્ષમાં રૂ. 54.33 કરોડનો દંડ વસૂલ્યો
આ દરમિયાન અમદાવાદ શહેરમાં માસ્ક નહીં પહેરવા બદલ કુલ 6.79 લાખ લોકોને દંડ ફટકારવામાં આવ્યો છે. છેલ્લા બે વર્ષમાં 54.33 કરોડ રૂપિયાની પેનલ્ટી વસૂલવામાં આવી હતી. 2020માં 3.65 લાખ ગુનેગારો પાસેથી 27.85 કરોડ રૂપિયાનો દંડ વસૂલવામાં આવ્યો હતો, જ્યારે 2021માં 3.13 લાખ ગુનેગારો પાસેથી લગભગ 27.49 કરોડ રૂપિયા વસૂલવામાં આવ્યા હતા. અમદાવાદ, સુરત, રાજકોટ અને વડોદરાના ચાર જિલ્લાઓમાં લોકોએ 123 કરોડ રૂપિયાનો દંડ ભર્યો હતો, જ્યારે બાકીના 29 જિલ્લાઓએ સમાન સમયગાળા દરમિયાન 126 કરોડ રૂપિયાનો દંડ ભર્યો હતો.
Photos/ PM મોદીના રોડ શોમાં અમદાવાદે ધારણ કર્યો કેસરિયો, ચાર રાજ્યોની ચૂંટણી જીત્યા બાદ પહેલીવાર આવ્યા વતન, જુવો ફોટો
Life Management / રાજા જંગલમાં ફસાઈ ગયો, એક પોપટે ડાકુઓને જાણ કરી, બીજાએ રાજાને બચાવ્યો… પછી શું થયું?
આસ્થા / આ ગ્રહ અશુભ ફળ આપે છે, લોહી સંબંધિત રોગ થાય છે, નાની-નાની વાત પર આવે છે ક્રોધ
