Gujarat Weather News: દક્ષિણ ગુજરાત (South Gujarat) સિવાય તમામ જિલ્લાઓમાં ધૂળની ડમરી (Dust wind)ઓ ઉડશે. સતત બે દિવસ સુધી ધૂળની ડમરીઓ ઉડવાની શક્યતા રહેલી છે. આગામી 7 દિવસ સુધી રાજ્યમાં હિટવેવ (Heatwave)ની શક્યતા નહી હોવાથી લોકોને આંશિક રાહત મળશે. આગામી બે દિવસ માછીમારોને દરિયો ન ખેડવા સૂચના આપવામાં આવી છે.  48.3 ડિગ્રી તાપમાન સાથે કંડલા સૌથી ગરમ શહેર રહ્યું છે. અમદાવાદ શહેરમાં 42 ડિગ્રી તાપમાન નોંધાયું છે. આગામી દિવસોમાં તાપમાનમાં 2થી 3 ડિગ્રીનો ઘટાડો થશે.

દરિયાકાંઠાના વિસ્તારોમાં ગરમી અને ભેજવાળી સ્થિતિ રહેશે, એટલે કે ત્યાંનું હવામાન ગરમ અને ભેજવાળું રહેશે. માછીમારોને આજે સાવચેત રહેવાની ચેતવણી આપવામાં આવી છે. દરિયાકાંઠાના વિસ્તારોમાં 45 થી 50 કિમી પ્રતિ કલાકની ઝડપે પવન ફૂંકાશે, જ્યારે પવનની મહત્તમ ગતિ 60 કિમી પ્રતિ કલાક સુધી પહોંચવાની શક્યતા છે. આ સાથે એવું કહેવામાં આવ્યું હતું કે પશ્ચિમી ખલેલને કારણે પવનની દિશા બદલાશે અને ઠંડા પવનો ફૂંકાશે. પશ્ચિમી વિક્ષેભને કારણે દરિયાકાંઠાના વિસ્તારોમાં પવનની ગતિ વધવાની શક્યતા છે. સાંજથી હવામાન(Gujarat Weather)માં પલટો આવ્યો હતો. વહેલી સવાર સુધી ઠંડા પવનો ફૂંકાતા લોકોએ ગરમીથી હાશકારો મેળવ્યો હતો.

મે મહિનાના છેલ્લા આઠ અઠવાડિયામાં પ્રી-મોન્સૂન પ્રવૃત્તિ હંમેશા જોવા મળે છે. હાલમાં એપ્રિલ મહિનામાં પ્રી-મોન્સૂન પ્રવૃત્તિની કોઈ શક્યતા નથી. પરંતુ મે મહિનામાં બે વાર તેની પ્રબળ શક્યતા છે. જે 14 મે થી 18 મે વચ્ચે રહેશે. આ ઉપરાંત, પ્રી-મોન્સૂન એક્ટિવિટી પણ થશે. ખાસ કરીને 25મી તારીખથી જ્યારે રોહિણી નક્ષત્ર શરૂ થશે, અને આ તે સમય છે જ્યારે પૂર્વ-ચોમાસાની પ્રવૃત્તિ વધુ શક્યતા ધરાવે છે.આ સાથે, તેમણે કહ્યું કે જૂનના બીજા અઠવાડિયામાં એટલે કે 7-8મી તારીખની આસપાસ છૂટાછવાયા રીતે પૂર્વ-ચોમાસાની પ્રવૃત્તિઓ થવાની સંભાવના છે.

આ પણ વાંચો:ગુજરાતમાં આજથી ગરમી ફરી તીવ્ર બનશે, આગામી 5 દિવસ ગરમીનો પારો ઊંચો રહેશે

આ પણ વાંચો:આજથી રાજ્યમાં તાપમાનમાં થશે વધારો, લૂ લાગવાની શક્યતા વધુ

આ પણ વાંચો:ગુજરાત સહિત ઉત્તર ભારત ગરમીની ઝપેટમાં, ગરમીથી લોકો ત્રાહિમામ