ગુજરાતના સૌથી મોટા શહેર અમદાવાદ વિકાસના ક્ષેત્રના ખુબ આગળ વધ્યું છે, તો બીજી તરફ શહેરમાં સરકાર દ્વારા મહિલાઓ સુરક્ષિત હોવાના દાવાઓ કરવામાં આવી રહ્યા છે, પરંતુ સરકાર દ્વારા કરાયેલા આ તમામ દાવાઓ પોકળ સાબિત થઇ રહ્યા છે, એવી જ એક ઘટના સામે આવી છે.
અમદાવાદ શહેરના સેટેલાઈટ વિસ્તારમાંથી એક યુવતીની છેડતી થઇ હોવાની ઘટના સામે આવી છે. આ ઘટના સેટેલાઈટના જોધપુર ગામમાં આવેલા બંધન પાર્ટી પ્લોટ નજીક બિલ્ડરની આર્કિટેક્ટ પુત્રી સાથે બની છે. સેટેલાઈટ વિસ્તારમાં રહેતી આર્કિટેકટ યુવતી રવિવારે સાંજે તેના ઘરેથી વોક કરવા માટે નીકળી હતી.
આ પણ વાંચો : vadodra: દુમાડ ચોકડી પર થયેલા ધાણીફૂટ ફાયરિંગના CCTV આવ્યા સામે…
તે ચાલતી ચાલતી જ્યારે જોધપુર ગામમાં આવેલા બંધન પાર્ટી પ્લોટ પાસે પહોંચી હતી, ત્યારે આ સમયે સુહાનાને પાછળથી એક્ટિવા ચાલક યુવકે ટપલી મારી હતી, ત્યારબાદ યુવક એક્ટિવા લઈ પુરઝડપે ફરાર થઈ ગયો હતો અને આરોપીને પકડવા માટે બૂમો પાડી પણ કોઈ મદદ મળી ન હતી.
આ ઘટના બાદ યુવતીએ આ અંગે ઘરે જઈ પરિવારના સભ્યોને વાત કરી હતી અને પછીથી આનંદનગર પોલીસે સુહાના સાથે બનેલી ઘટના અંગે એક્ટિવા પાર આવેલા અજાણ્યાં આરોપી વિરુદ્ધ ગુનો નોંધ્યો છે અને પોલીસે આ મામલે આસપાસના રૂટના સીસીટીવી ફૂટેજ ચેક કરવા તજવીજ હાથ ધરી છે.
