દિલ્હી અને NCRમાં આજે હવામાનનો ટ્રેન્ડ બદલાયો છે. જોરદાર વાવાઝોડાની સાથે વરસાદ પડ્યાે છે જેના કારણે ઘણું નુકસાન થયું છે. દરમિયાન હવામાન વિભાગે વરસાદનું નવું અપડેટ આપ્યું છે. જણાવવામાં આવ્યું છે કે દિવસભર હવામાનનો મિજાજ આવો જ રહી શકે છે. ત્યારે આવતીકાલે વરસાદ ઓછો અને પવન ફૂંકાશે પરંતુ વચ્ચે-વચ્ચે વરસાદની શક્યતા છે.
હવામાન વિભાગ (IMD) એ જણાવ્યું છે કે આજનો વરસાદ વેસ્ટર્ન ડિસ્ટર્બન્સના કારણે થઈ રહ્યો છે જે આવતીકાલ સુધી સક્રિય રહેશે. આવી સ્થિતિમાં, ઘરની બહાર નીકળતા પહેલા, તમારે વરસાદની તૈયારી કરવી જોઈએ.
#WATCH | An uprooted tree blocks road near Delhi Cantonment area following strong winds and rain, as parts of National Capital receive rainfall. pic.twitter.com/xLtnV8r3I8
— ANI (@ANI) May 23, 2022
દિલ્હી-NCRમાં સવારે 4 વાગ્યાથી સતત વરસાદ ચાલુ છે. કાળઝાળ ગરમી વચ્ચે હવામાનનો મિજાજ એકાએક બદલાયો છે. તે તીવ્ર પવન અને વાવાઝોડા સાથે શરૂ થયો હતો, પરંતુ પછી મૂશળધાર વરસાદે તાપમાનમાં ઘટાડો કર્યો હતો. આ સમયે દિલ્હી-એનસીઆરમાં વાતાવરણ ખુશનુમા બની ગયું છે પરંતુ કેટલીક સમસ્યાઓ પણ ઉભી થઈ છે.
દિલ્હી-NCRમાં સવારથી વરસાદ અને જોરદાર વાવાઝોડાને કારણે દિલ્હી ફાયર વિભાગને વૃક્ષો તોડવાના 100થી વધુ કોલ મળ્યા છે. પરંતુ કોઈ ક્યાંય ફસાયું ન હતું અને કોઈને ઈજા થઈ ન હતી.
ત્રણ જગ્યાએથી દિવાલ ધરાશાયી થવાના કોલ આવ્યા હતા, જેમાં મોતી નગર વિસ્તારમાં દિવાલ ધરાશાયી થવાથી 3 લોકો ઘાયલ થયા હતા. ફાયર વિભાગનું કહેવું છે કે અમે સંપૂર્ણ રીતે એલર્ટ છીએ અને સતત કોલ એટેન્ડ કરી રહ્યા છીએ.
દિલ્હી-એનસીઆરમાં ભારે પવન સાથે વરસાદ બાદ શહેરના ઘણા ભાગોમાં રસ્તા પર પાણી ભરાઈ ગયા હતા. ગુરુગ્રામમાંથી પણ આવી તસવીરો સામે આવી છે. ગુરુગ્રામ ટ્રાફિક પોલીસે જણાવ્યું છે કે મેફિલ્ડ ગાર્ડન ચોકમાં ઘણો પાણી ભરાઈ ગયો છે.