Ahmedabad News: અમદાવાદ (Ahmedabad) શહેરમાં આજથી ટ્રાફિક પોલીસ (Traffic Police) દ્વારા હેલ્મેટ ડ્રાઈવ (Helmet Drive) શરૂ કરવામાં આવી છે, ગુજરાત રાજ્યના પોલીસ વડા (DGP) વિકાસ સહાયના આદેશનું ચુસ્તપણે પાલન કરવામાં આવશે. DGPના આદેશ બાદ ટ્રાફિક પોલીસ હવે એક્શન મોડમાં જોવા મળશે.
અમદાવાદીઓ, આજથી ચેતી જજો. વાહનચાલકોએ આજથી ઘરની બહાર નીકળતા હેલ્મેટ પહેરવું ફરજીયાત રહેશે. આજથી અમદાવાદીઓ પર દંડનીય કાર્યવાહીનો વિધિવત આરંભ થઈ ગયો છે. હવે જો હેલ્મેટ વગર નીકળ્યા તો રૂપિયા 500નો દંડ ભરવો પડશે. શાહીબાગ ડફનાળા પાસે ટ્રાફિક પોલીસ તૈનાત કરી દેવામાં આવી છે. હેલ્મેટ વગર આવતા વાહન ચાલકો સામે દંડની કાર્યવાહી શરુ થઈ ગઈ છે.
રસ્તે આવતા જતા લોકો સામે ટ્રાફિક પોલીસ હવે ઊણું વલણ દાખવશે નહીં, જો હેલ્મેટ નહીં પહેરો તો દંડ ભરવા તૈયાર રહેવું પડશે, વધુમાં કારચાલકોએ સીટબેલ્ટનો નિયમ તોડ્યો તો તેમની સામે પણ કાર્યવાહી કરવામાં આવશે. આજે શહેરના જુદા જુદા વિસ્તારમાં નિયમ તોડતા લોકો જાત-જાતના બહાના બનાવતા જોવા મળ્યા હતા. ઉલ્લેખનીય છે કે દિનપ્રતિદીન વધતા અકસ્માતો, તેના કારણે થતાં મોતની વણઝારને અટકાવવા ગુજરાત પોલીસે કડક વલણ દાખવ્યું છે.
આ પણ વાંચો:હેલ્મેટ ડ્રાઇવના પ્રથમ દિવસે 98.96% સરકારી કર્મચારીઓએ નિયમનો કર્યો અમલ
આ પણ વાંચો:હેલ્મેટ નહિ પહેરેલા સરકારી કર્મચારી સામે થશે દંડનીય કાર્યવાહી, રાજ્ય પોલીસ વડાનો આદેશ
આ પણ વાંચો:ગયા વર્ષે અકસ્માતમાં હેલ્મેટ વિના 2767 જણાએ જીવ ગુમાવ્યા
