Hotel Room Etiquette:  જ્યારે પણ આપણે કોઈ લક્ઝરી હોટેલમાં રોકાઈએ છીએ, ત્યારે બાથરૂમમાં ટુવાલના ઢગલા જોઈને ઘણીવાર મૂંઝવણ થાય છે. એકસાથે 3 થી 4 અલગ-અલગ કદના ટુવાલ ત્યાં રાખેલા હોય છે. મોટાભાગના લોકો જાણકારીના અભાવે ગમે તે ટુવાલથી હાથ કે ચહેરો લૂછી નાખતા હોય છે, પરંતુ હોટેલ મેનેજમેન્ટની દ્રષ્ટિએ દરેક ટુવાલનો એક ખાસ હેતુ હોય છે.

બાથ ટુવાલ (Bath Towel) – આખા શરીર માટે

આ કદમાં સૌથી મોટો ટુવાલ હોય છે. સ્નાન કર્યા પછી આખા શરીરને સૂકવવા માટે તેનો ઉપયોગ કરવામાં આવે છે. તે સામાન્ય રીતે ટોચના શેલ્ફ પર રાખવામાં આવે છે. ખાસ ધ્યાન રાખો કે આ ટુવાલનો ઉપયોગ ક્યારેય ફ્લોર સાફ કરવા કે ચહેરો લૂછવા માટે ન કરવો જોઈએ.

હેન્ડ ટુવાલ (Hand Towel) – હાથ લૂછવા માટે

બાથ ટુવાલથી થોડો નાનો અને વોશબેસિનની બાજુમાં લટકાવેલો ટુવાલ ‘હેન્ડ ટુવાલ’ છે. જમતા પહેલા કે પછી હાથ ધોઈને તેને સૂકવવા માટે જ આનો ઉપયોગ કરવો જોઈએ. તેને પગ લૂછવા માટે ક્યારેય ન વાપરવો.

ફેસ ટુવાલ કે વોશક્લોથ (Wash Cloth) – ચહેરા માટે

આ સૌથી નાનો અને ચોરસ આકારનો ટુવાલ હોય છે. તે વોશબેસિન પાસે કોઈ નાની ટોપલીમાં રાખેલો હોય છે. તેનો ઉપયોગ ચહેરો ધોવા કે મેકઅપ સાફ કરવા માટે થાય છે. તેની નરમાઈ ચહેરાની ત્વચાને ધ્યાનમાં રાખીને બનાવવામાં આવે છે, તેથી તેનાથી શરીરના અન્ય ભાગો સાફ કરવાનું ટાળો.

બાથ મેટ (Bath Mat) – પગ લૂછવા માટે

આ ટુવાલ (Towel) જેવો જ દેખાય છે પણ થોડો જાડો અને કડક હોય છે. તે શાવર એરિયા કે બાથટબની બહાર જમીન પર મુકેલો હોય છે. ઘણા લોકો તેને બોડી ટુવાલ સમજીને ભૂલ કરી બેસે છે, પરંતુ તેનો અસલી હેતુ ભીના પગ લૂછવાનો છે જેથી બાથરૂમમાં લપસી ન જવાય.

ઉપયોગ કર્યા પછી શું કરવું?

જો તમે ઈચ્છતા હોવ કે હાઉસકીપિંગ સ્ટાફ તમારા ટુવાલ (Towel) બદલી આપે, તો વપરાયેલા ટુવાલને ફ્લોર પર અથવા બાથટબની ધાર પર મૂકી દો. જો તમે ટુવાલને ફરીથી રેક પર લટકાવી દેશો, તો તેનો અર્થ એ છે કે તમે તેનો ફરી ઉપયોગ કરવા માંગો છો અને સ્ટાફ તેને બદલશે નહીં.

આ પણ વાંચો:અઠવાડિયામાં કેટલી વાર સાબુથી નહાવું જોઇએ? દરરોજ નહાવાથી સ્કિન થશે ખરાબ…!

આ પણ વાંચો:  ઉનાળામાં સ્ટાઇલિશ દેખાવા માટે અપનાવો આ એક્સેસરીઝ, ગરમીમાં પણ લાગશો ‘સમર ક્વીન’

આ પણ વાંચો:  કેરી ખરીદતી વખતે છેતરાશો નહીં, આ રીતે ચેક કરો કેસર કેરી અસલી છે કે કેમિકલ વાળી