સ્વીડિશ ન્યૂઝ ચેનલ સહિત ત્રણ મીડિયા સંસ્થાઓએ સ્વીડનની બસ/ટ્રક બનાવતી ઓટો કંપની સ્કેનિયા વિશે મોટો ખુલાસો કર્યો છે. આ ખુલાસો ભારત માટે મહત્વપૂર્ણ છે કારણ કે એવો આરોપ છે કે વર્ષ 2013 થી 2016 ની વચ્ચે, ઓટો ઉત્પાદક સ્કેનિયાએ ભારતનાં 7 જુદા જુદા રાજ્યોમાં બસનાં કરાર મેળવવા માટે લાંચ આપી હતી.
એન્ટિલિયા કેસમાં ઘટસ્ફોટ / જે ટેલિગ્રામ ચેનલથી વિસ્ફોટક મૂકવાની જવાબદારી લેવાઈ તેનું લોકેશન દિલ્હીની તિહાડ જેલ મળ્યું
સ્વીડિશ ટ્રક અને બસ ઉત્પાદક સ્કેનિયા દ્વારા કરવામાં આવેલા નવા ઘટસ્ફોટ બાદ ભારતીય રાજકારણમાં ભૂકંપ આવી ગયો છે. સ્વીડિશ કંપનીએ જાહેર કર્યું છે કે, તેણે ભારતનાં સાત રાજ્યોમાં કોન્ટ્રાક્ટ મેળવવા માટે 2013 થી 2016 ની વચ્ચે લાંચ આપી હતી. આક્ષેપો થયા બાદ કેન્દ્રીય પ્રધાન નીતિન ગડકરીનાં કાર્યાલય તરફથી નિવેદન સામે આવ્યું છે. ગડકરીની ઓફિસે આ આરોપોને એકદમ નકારી દીધા છે. કેન્દ્રીય પ્રધાનનાં કાર્યાલય વતી, મીડિયા અહેવાલોમાં જણાવાયું છે કે, ‘નવેમ્બર, 2016 માં સ્કેનિયા કંપનીની લક્ઝરી બસ ભારતમાં આવી જેમા નીતિન ગડકરીનાં પુત્રો સાથે ખાસ સંબંધો છે. આ તમામ આક્ષેપો પાયાવિહોણા છે. મંત્રી અને તેમના પરિવારનાં સભ્યોની આ ખરીદી કે કરારમાં કોઇ પણ પ્રકારનું લેવા દેવા નથી.’
રાજકારણ / કોંગ્રેસને હવે CAG ઉપર પણ છે શંકા? રાહુલે ઉઠાવ્યો સવાલ
રોઇટર્સનાં એક અહેવાલ મુજબ, સ્કેનિયાએ 2017 માં આ કેસમાં તપાસ શરૂ કરી હતી, જેમાં કંપનીનાં કર્મચારીઓ, વરિષ્ઠ મેનેજમેન્ટની કામગીરીમાં ગંભીર ભૂલો જોવા મળી હતી. સ્કેનીયાનાં પ્રવક્તાએ અહેવાલમાં જણાવ્યું હતું કે, “આ ગડબડીમાં કથિત લાંચ, વ્યવસાયિક ભાગીદાર દ્વારા લાંચ આપવી અને ચીજવસ્તુઓને ચુસ્ત રીતે રાખવી” શામેલ છે. સ્કેનીયાનાં પ્રવક્તાએ કહ્યું કે, ત્યારબાદ કંપનીએ ભારતીય બજારોમાં સિટી બસોનું વેચાણ બંધ કરી દીધું છે. ભારતમાં પોતાનો કારખાના સ્થાપનાર કંપની બંધ થઈ ગઈ હતી. કંપનીનું કહેવું છે કે ‘ભારતમાં કેટલાક લોકોએ ખોટું કામ કર્યું હતું, તેઓએ પછીથી કંપની છોડી દીધી હતી. તેમાં જે પણ વ્યવસાયિક ભાગીદારો સામેલ હતા, કંપનીએ તેમની સાથે કરાર સમાપ્ત કર્યો.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
