ભારતના સ્ટાર ઓફ સ્પિનર રવિચંદ્રન અશ્વિન પુરુષો માટે તાજેતરની ICC ટેસ્ટ બોલિંગ રેન્કિંગમાં ટોચના સ્થાને પહોંચી ગયો છે. તાજેતરમાં તેણે નંબર-1 બનેલા અનુભવી અંગ્રેજ બોલર જેમ્સ એન્ડરસનને નીચે ઉતાર્યો છે.
અશ્વિને તેના તાજેતરના પ્રદર્શનના કારણે આ સ્થાન હાંસલ કર્યું હતું. તેણે ઓસ્ટ્રેલિયા સામેની વર્તમાન સિરીઝની બીજી ટેસ્ટમાં ભારતની જોરદાર જીતમાં 6 વિકેટ (3/57 અને 3/59) લીધી હતી. તેને બે સ્થાનનો ફાયદો થયો છે. વેલિંગ્ટન ટેસ્ટમાં ન્યૂઝીલેન્ડ સામે ઈંગ્લેન્ડની સાંકડી હાર બાદ એન્ડરસન બીજા સ્થાને આવી ગયો હતો.
36 વર્ષીય અશ્વિને પ્રથમ વખત 2015માં નંબર-1 ટેસ્ટ બોલર બનવાનું ગૌરવ પ્રાપ્ત કર્યું હતું. આ પછી તે ઘણી વખત ટોપ પર આવી ચુક્યો છે. દિલ્હીમાં ભારતની જીતમાં અશ્વિને મોટી વિકેટ લીધી હતી. તેણે પ્રથમ દાવની એક જ ઓવરમાં માર્નસ લાબુશેન અને સ્ટીવ સ્મિથને પરત કર્યા. આ પછી અશ્વિને એલેક્સ કેરીને ખાતું ખોલાવ્યા વગર જ પેવેલિયન મોકલી દીધો હતો.
બીજા દાવમાં, ઓલરાઉન્ડર ઓફ-સ્પિનરે ફરીથી ટોચની પાંચમાંથી ત્રણ વિકેટ લીધી, જ્યારે તેના સ્પિન-બોલિંગ પાર્ટનર રવિન્દ્ર જાડેજાએ બીજા છેડે ઓસ્ટ્રેલિયાના બાકીના બેટ્સમેનોને પરેશાન કર્યા. છેલ્લા ત્રણ સપ્તાહમાં અશ્વિન ત્રીજો બોલર છે જે ટેસ્ટ રેન્કિંગમાં ટોચ પર પહોંચ્યો છે. ગત વખતે એન્ડરસને ઓસ્ટ્રેલિયાના કેપ્ટન પેટ કમિન્સને હરાવીને ટોચનું સ્થાન મેળવ્યું હતું. કમિન્સ તાજેતરની રેન્કિંગમાં ત્રીજા સ્થાને છે. ઓસ્ટ્રેલિયા સામેની બીજી ટેસ્ટમાં 10 વિકેટ ઝડપનાર જાડેજા બોલિંગ રેન્કિંગમાં પણ 8મા સ્થાને પહોંચી ગયો છે. જાડેજા અને અશ્વિન ટેસ્ટ ઓલરાઉન્ડર રેન્કિંગમાં પ્રથમ બે સ્થાન પર છે. એટલે કે ટેસ્ટ બોલરોની રેન્કિંગમાં ત્રણ ભારતીય ખેલાડીઓ ટોપ-10માં છે. અશ્વિન નંબર-1 પર છે, તો જસપ્રીત બુમરાહને એક સ્થાન મળ્યું છે. તે હવે નંબર-4 પર પહોંચી ગયો છે, તેના સિવાય જાડેજા પણ નંબર-8 પર છે.
આ પણ વાંચોઃ Rahul Gandhi/ બંદા યે બિન્દાસ હૈ, રાહુલ ગાંધીનો બદલાયેલો નવો લૂક
આ પણ વાંચોઃ Greece Railway Accident/ ગ્રીસમાં ભયાનક રેલ અકસ્માતઃ 32ના મોત, 100થી વધુ ઘાયલ
આ પણ વાંચોઃ સિદ્ધિ/ વિરાટ કોહલીએ ઘરઆંગણે 200મી આંતરરાષ્ટ્રીય મેચ રમી, ભારતની 36 રનમાં 3 વિકેટ
