IAS Transfer Gujarat: ગુજરાત રાજ્યમાં વહીવટી તંત્રમાં મહત્વના ફેરફાર કરવામાં આવ્યા છે. રાજ્ય સરકાર દ્વારા બે સિનિયર IAS અધિકારીઓની બદલી (Transfer) કરવામાં આવી છે, જેમાં સુરતના મ્યુનિસિપલ કમિશનર શાલિની અગ્રવાલ અને એમ. નાગરાજનનો સમાવેશ થાય છે.
શાલિની અગ્રવાલની Transfer હવે GUVNL ના MD
સુરત મહાનગરપાલિકામાં કમિશનર તરીકે સેવા આપી રહેલા શાલિની અગ્રવાલની બદલી કરવામાં આવી છે. તેમને હવે ગુજરાત ઉર્જા વિકાસ નિગમ લિમિટેડ (GUVNL) ના મેનેજિંગ ડિરેક્ટર (MD) તરીકેની મહત્વની જવાબદારી સોંપવામાં આવી છે.
સુરતને મળ્યા નવા મનપા કમિશનર
શાલિની અગ્રવાલના સ્થાને હવે એમ. નાગરાજન સુરત મહાનગરપાલિકાના નવા કમિશનર તરીકે ચાર્જ સંભાળશે. હવે સુરતના વિકાસ કાર્યો અને વહીવટની કમાન તેમના હાથમાં રહેશે.
વધારાના ચાર્જની સોંપણી
આ ફેરબદલની સાથે જ રાજેન્દ્ર કુમારને ગુજરાત રાજ્ય માર્ગ વાહન વ્યવહાર નિગમ (GSRTC) ના મેનેજિંગ ડિરેક્ટર તરીકેનો વધારાનો ચાર્જ સોંપવામાં આવ્યો છે.
