માત્ર એક મુસાફરે માસ્ક પહેર્યુ ન હોવાથી, લંડન જતું પ્લેન વચ્ચેની સફરમાંથી પરત ફર્યું હતું. યુ.એસ.નાં મિયામીથી લંડન જતી ફ્લાઈટ 40 વર્ષીય મહિલાનાં માસ્ક ન પહેરવાના આગ્રહને કારણે અધવચ્ચેથી પાછુ ફર્યુ હતુ. પ્લેનમાં 129 મુસાફરો અને 14 ક્રૂ મેમ્બર સવાર હતા. પ્લેન ટેકઓફ થયા બાદ મહિલા મુસાફરે માસ્ક પહેરવાની ના પાડી દીધી હતી. પાયલોટ 90 મિનિટની ઉડાન બાદ પ્લેનને મિયામી પરત લાવ્યો હતો.
આ પણ વાંચો – Shocking / વૃદ્ધનું ઘર પૂરી રીતે સળગી ગયુ પણ બિલાડી બચી ગઇ તો ખુશીમાં રડવા લાગ્યા, જુઓ આ ભાવુક Video
ફ્લાઈટ દરમિયાન નિયમોની અવગણના કરવાના મામલામાં એરપોર્ટ પ્રશાસને તપાસ પૂરી ન થાય ત્યાં સુધી મહિલાની વિમાન મુસાફરી પર પ્રતિબંધ લગાવી દીધો છે. પ્લેનમાં સવાર અન્ય મુસાફરોને બાદમાં અન્ય પ્લેન દ્વારા તેમના ગંતવ્ય સ્થાને મોકલવામાં આવ્યા હતા. માસ્ક ન પહેર્યા પછી મિયામીનાં સ્થાનિક અધિકારીઓ એરપોર્ટ પર દોડી ગયા અને જાણ કરી કે પ્લેન પરત આવી રહ્યું છે. પોલીસ વિભાગનાં પ્રવક્તાએ કહ્યું કે, મહિલાએ માસ્ક ન પહેર્યા બાદ પ્લેન પરત ફરવાનો મામલો સામે આવ્યો છે. આ કેસમાં મહિલાની ધરપકડ કરવામાં આવી નથી. એરપોર્ટ પ્રશાસન આ મામલાને પોતાના સ્તરે સંભાળી રહ્યું છે. ફેડરલ એવિએશન એડમિનિસ્ટ્રેશન (FAA) એ નિર્દેશ આપ્યો છે કે ટ્રેન, પ્લેન અને બસમાં મુસાફરી કરતી વખતે મુસાફરોએ ચહેરાનાં માસ્ક પહેરવા આવશ્યક છે. યુએસ રાષ્ટ્રપતિ જો બિડેને ગયા મહિને જ આ નિર્દેશને 18 માર્ચ સુધી લંબાવ્યો હતો. માસ્ક ન પહેરનારા અને મુસાફરી દરમિયાન બેદરકારી દાખવનારાઓ સામે કડક કાર્યવાહીનો નિર્દેશ આપવામાં આવ્યો છે. FAAએ આ વર્ષે હવાઈ મુસાફરી દરમિયાન મનમાની કરતા કુલ 151 કેસ નોંધ્યા છે. તેમાંથી સૌથી વધુ 92 કેસ ફેસ માસ્ક સંબંધિત છે. એ જ રીતે, વર્ષ 2021 માં, મુસાફરોની મનમાનીને લગતા કુલ છ હજાર કેસ નોંધાયા હતા. આમાં 4290 કેસ માસ્ક સંબંધિત હતા.
આ પણ વાંચો – OMG! / ભગવાને કળિયુગમાં લીધો અવતાર! મહિલાએ ચાર હાથ-પગવાળા બાળકને આપ્યો જન્મ
શિકાગોથી આઈસલેન્ડ જતી ફ્લાઈટમાં એક મહિલાએ પોતાને પાંચ કલાક સુધી ટોયલેટમાં બંધ કરી દીધી હતી. મહિલાને મુસાફરી દરમિયાન ખબર પડી કે તે કોરોનાથી સંક્રમિત છે. વિમાનમાં 150 મુસાફરો સવાર હતા. મહિલાને ડર હતો કે તેના કારણે અન્ય લોકોને ચેપ લાગી શકે છે. આ કારણે તેણે પોતાને ટોયલેટમાં આઈસોલેટ કરી લીધી હતી. અન્ય એક ઘટનામાં, સાઉથવેસ્ટ એરલાઈન્સે એક મહિલાને વોશિંગ્ટનથી વેસ્ટ પામ બીચની ફ્લાઈટમાંથી પાણી પીવા માટે તેના માસ્કને વારંવાર દૂર કરવા બદલ ઉતારી દીધી હતી. મહિલાએ કંપની સામે 10 મિલિયન યુએસ ડોલરનો કાનૂની કેસ કર્યો હતો.
