Gandhinagar News : ગુજરાતના શિક્ષણ વિભાગે રાજ્યના યુવાનો માટે એક મહત્વપૂર્ણ જાહેરાત કરી છે. વિભાગે આગામી 10 વર્ષનું ભરતી કેલેન્ડર જાહેર કર્યું છે, જેના દ્વારા રાજ્યભરની શાળાઓમાં કુલ 94,000 શિક્ષકોની ભરતી કરવામાં આવશે. આ જાહેરાત શિક્ષણ ક્ષેત્રે કારકિર્દી બનાવવા ઇચ્છતા યુવાનો માટે એક સુવર્ણ તક લઈને આવી છે.
શિક્ષણ વિભાગ દ્વારા જાહેર કરાયેલા કેલેન્ડર મુજબ, આ ભરતી પ્રક્રિયા આગામી 10 વર્ષ સુધી ચાલશે. જેમાં પ્રાથમિક શિક્ષણમાં સૌથી વધુ શિક્ષકોની ભરતી કરવામાં આવશે. વર્ષ 2025 થી 2033 સુધી દર વર્ષે કેટલી જગ્યાઓ પર ભરતી થશે તેની વિગતવાર માહિતી નીચે મુજબ છે:
* વર્ષ 2025: 11,300 જગ્યાઓ
* વર્ષ 2026: 6,503 જગ્યાઓ
* વર્ષ 2028: 5,427 જગ્યાઓ
* વર્ષ 2029: 430 જગ્યાઓ
* વર્ષ 2030: 8,283 જગ્યાઓ
* વર્ષ 2031: 8,396 જગ્યાઓ
* વર્ષ 2032: 18,496 જગ્યાઓ
* વર્ષ 2033: 13,143 જગ્યાઓ
આ ભરતી કેલેન્ડર જાહેર થવાથી શિક્ષણ ક્ષેત્રે કારકિર્દી બનાવવા ઇચ્છતા યુવાનોને તૈયારી માટે પૂરતો સમય મળશે. આ ઉપરાંત, રાજ્યની શાળાઓમાં શિક્ષકોની ઘટ પણ દૂર થશે, જેનાથી વિદ્યાર્થીઓને ગુણવત્તાયુક્ત શિક્ષણ મળી રહેશે.આ જાહેરાત અંગે શિક્ષણ મંત્રીએ જણાવ્યું હતું કે, “રાજ્ય સરકાર શિક્ષણ ક્ષેત્રે ગુણવત્તા સુધારવા માટે સતત પ્રયત્નશીલ છે. આ ભરતી કેલેન્ડર એ દિશામાં એક મહત્વપૂર્ણ પગલું છે. અમે આશા રાખીએ છીએ કે આનાથી રાજ્યના યુવાનોને રોજગારીની નવી તકો મળશે અને શિક્ષણ ક્ષેત્રે સકારાત્મક પરિવર્તન આવશે.” રાજ્ય સરકારના આ નિર્ણયથી યુવાનોમાં ખુશીની લહેર જોવા મળી રહી છે. તેઓ આ ભરતી પ્રક્રિયાની આતુરતાથી રાહ જોઈ રહ્યા છે.
આ પણ વાંચો:ઘર કે ઓફિસમાં CCTV કેવી રીતે રાખશો સુરક્ષિત? હર્ષ સંઘવીએ આપી જરૂરી ટીપ્સ
આ પણ વાંચો:ગાંધીધામ કચ્છ પોલીસને ગૃહ રાજ્યમંત્રી હર્ષ સંઘવીએ અભિનંદન પાઠવ્યા
આ પણ વાંચો:રાજકોટ હોસ્પિટલના CCTV ફૂટેજ મામલે ગૃહરાજ્યમંત્રી હર્ષ સંઘવીએ ટ્વીટ કરી
