મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચે IPL 2022 ની 33મી મેચ DY પાટિલ સ્ટેડિયમમાં રમાઈ હતી. ચેન્નાઈના પૂર્વ કેપ્ટન મહેન્દ્ર સિંહ ધોનીએ છેલ્લા બોલ પર ચોગ્ગો ફટકારીને ટીમને સિઝનની બીજી જીત અપાવી હતી. મુંબઈ ઈન્ડિયન્સને આ સિઝનમાં સતત સાતમી હાર મળી છે. પ્રથમ બેટિંગ કરતા મુંબઈએ તિલક વર્માની અણનમ અડધી સદીની મદદથી ચેન્નાઈ સામે 156 રનનો ટાર્ગેટ આપ્યો હતો. જવાબમાં ચેન્નાઈ સુપર કિંગ્સે 20 ઓવરમાં 7 વિકેટ ગુમાવીને 156 રન બનાવ્યા હતા.
ચેન્નાઈ સુપર કિંગ્સની શરૂઆત ખરાબ રહી હતી. પરંતુ ઉથપ્પા અને રાયડુ વચ્ચે ત્રીજી વિકેટ માટે 50 રનની મહત્વપૂર્ણ ભાગીદારી થઈ હતી. ગાયકવાડ ખાતું ખોલાવ્યા વિના જ આઉટ થઈ ગયો હતો. સેન્ટનરે 11 રન બનાવ્યા હતા. ઉથપ્પા 30 રન બનાવીને પેવેલિયન પરત ફર્યો હતો.
મુંબઈની શરૂઆત સારી રહી ન હતી. પહેલી જ ઓવરમાં રોહિત શર્મા અને ઈશાન કિશન ખાતું ખોલાવ્યા વગર જ પેવેલિયન પરત ફર્યા હતા. આ પછી મુંબઈને ત્રીજો ફટકો બ્રેવિસ (4)ના રૂપમાં લાગ્યો હતો. પાવરપ્લેમાં ત્રણ વિકેટ ગુમાવ્યા બાદ સૂર્યકુમાર યાદવે (32) મુંબઈની કમાન સંભાળી હતી, પરંતુ 8મી ઓવરમાં સેન્ટનેરે તેમને પેવેલિયનનો રસ્તો બતાવ્યો હતો. અંતમાં તિલક વર્માએ 51 રનની અણનમ ઇનિંગ રમીને ટીમના સ્કોર 155ના સ્કોર સુધી પહોંચાડ્યો હતો. ચેન્નાઈ તરફથી મુકેશ ચૌધરીએ ત્રણ અને ડ્વેન બ્રાવોએ બે વિકેટ ઝડપી હતી.
સિઝનની તેમની પ્રથમ જીત માટે ઝંખતા, રોહિત શર્માની MI પોઈન્ટ ટેબલમાં 10મા સ્થાને છે, જ્યારે રવિન્દ્ર જાડેજાની CSK છમાંથી એક મેચ જીતીને 9મા ક્રમે છે. આ ચેમ્પિયન ટીમનું આવું પ્રદર્શન જોઈને ચાહકો પણ નિરાશ થયા છે. હેડ ટુ હેડ મેચોની વાત કરીએ તો મુંબઈ ઈન્ડિયન્સ ચેન્નાઈ સુપર કિંગ્સ પર પ્રભુત્વ ધરાવે છે. મુંબઈ ચેન્નાઈ પર 19-13થી આગળ છે.
