પાકિસ્તાનનાં પંજાબ પ્રાંતમાં, લોકોનાં ટોળાએ, ચોરી કરવાનો આરોપ લગાવીને, એક કિશોરી સહિત ચાર મહિલાઓનાં કપડા ઉતારી, અને તેમને રસ્તાઓ પર ખેંચી ઢોર માર માર્યો હતો. આ ઘટના લાહોરથી લગભગ 180 કિલોમીટર દૂર ફૈસલાબાદમાં બની હતી.
આ પણ વાંચો – વધુ એક મુસિબત / પાકિસ્તાનની ઈમરાન સરકાર Fail સાબિત થઇ, દેશ પર જેટલુ દેવું છે તે જાણી તમે પણ કહેશો OMG!
સોશિયલ મીડિયા પર સામે આવેલા એક વીડિયોમાં એક કિશોરી સહિત ચાર મહિલાઓ તેમના શરીરને ઢાંકવા માટે આસપાસનાં લોકોને વિનંતી કરતી જોવા મળી હતી પરંતુ તેમને લાકડીઓ વડે માર મારવામાં આવ્યો હતો. મહિલાઓ રડતી જોવા મળી હતી અને લોકોને વિનંતી કરી રહી હતી કે તેમને જવા દો પરંતુ કોઈ ફાયદો થયો નહીં. તેઓને એક કલાક સુધી નગ્ન અવસ્થામાં રસ્તા પર પરેડ કરાવવામાં આવી હતી. આ ઘટનાનાં કેટલાક વીડિયો સોશિયલ મીડિયા પર વાયરલ થયા બાદ પંજાબ પોલીસ એક્શનમાં આવી ગઈ છે. તેમણે કહ્યુ કે, “અમે આ કમનસીબ ઘટનાનાં સંબંધમાં પાંચ લોકોની ધરપકડ કરી છે,” પંજાબ પોલીસનાં પ્રવક્તાએ મંગળવારે એક ટ્વિટમાં જણાવ્યું હતું. કાયદાની સંબંધિત જોગવાઈઓ હેઠળ 5 શંકાસ્પદ અને અન્ય કેટલાક વિરુદ્ધ FIR નોંધવામાં આવી છે.
આ પણ વાંચો – ચિલીમાં સમલૈંગિક લગ્નને મંજૂરી / કોંગ્રેસે આવા યુગલોને બાળક દત્તક લેવાનો અધિકાર આપીને બિલ પસાર કર્યું
તેમણે કહ્યું કે, પોલીસ આ મામલાની તપાસ કરી રહી છે અને સંડોવાયેલા તમામ આરોપીઓને ન્યાયનાં કઠેડામાં લાવવામાં આવશે. ફરિયાદમાં મહિલાઓએ કહ્યું છે કે, ‘અમે તરસ્યા હતા અને અમે ઉસ્માન ઇલેક્ટ્રિક સ્ટોરની અંદર ગયા અને પાણીની બોટલ માંગી. પરંતુ તેના માલિક સદ્દામે અમારા પર ચોરીનાં ઈરાદાથી દુકાનમાં ઘુસ્યાનો આરોપ લગાવ્યો હતો. સદ્દામ અને અન્ય લોકોએ અમને માર મારવાનું શરૂ કર્યું. પછી તેમણે નગ્ન કરીને ખેંચી અને માર માર્યો. તેમણે અમારા કપડા ઉતાર્યા બાદ અમારો વીડિયો પણ બનાવ્યો. ભીડમાંથી કોઈએ આ અત્યાચારને રોકવા માટે ગુનેગારો સામે ન પડ્યું અને આ કૃત્યને રોકવાનો પ્રયાસ ન કર્યો.’
