IPL નો બીજો તબક્કો આવતા મહિનાથી શરૂ થવા જઇ રહ્યો છે, જેને લઇને ધોનીએ પ્રેક્ટિસ તેજ કરી દીધી છે. જણાવી દઇએ કે, IPL 2021 પહેલા એમએસ ધોનીનાં નેતૃત્વમાં ચેન્નઈ સુપર કિંગ્સની ટીમ યુએઈ પહોંચી ગઈ છે. ટીમે તેની ક્વોરેન્ટિન અવધિ પૂર્ણ કરી દીધી છે, સાથે સાથે પ્રેક્ટિસ પણ શરૂ કરી દીધી છે.
આ પણ વાંચો – Cricket / સિંગાપોરનો આ ક્રિકેટર IPL માં વિરાટ કોહલી સેનાની બનશે તાકાત
ચેન્નાઇ સુપર કિંગ્સ ટીમે અત્યાર સુધી રમેલી તમામ મેચોમાં ટીમનું સારું પ્રદર્શન જોવા મળ્યું છે. આ વખતે ટીમ પ્લેઓફ માટે ક્વોલિફાય થવાની શક્યતા છે. હવે CSK નાં પ્રેક્ટિસ કેમ્પમાંથી એક વીડિયો સામે આવ્યો છે, જેમાં MS Dhoni પ્રેક્ટિસ કરતો જોવા મળી રહ્યો છે. તેમજ સારી વાત એ છે કે એમએસ ધોની લાંબી સિક્સર ફટકારતો જોવા મળે છે, જેના માટે ધોની જાણીતો છે. જ્યારે ચેન્નાઈ સુપર કિંગ્સની સમગ્ર ટીમ માટે આ સારી વાત છે, ધોનીનાં ચાહકો પણ આ વીડિયો જોઈને ખુશ થયા છે. તેમને લાગે છે કે એમએસ ધોની તેમને ફરી તે જ ફોર્મમાં જોવા મળશે જે તે પહેલા જોવા મળતો હતો. એમએસ ધોની હાલમાં યુએઈમાં છે અને તેની ટીમ સાથે પ્રેક્ટિસ કરી રહ્યો છે. એમએસ ધોની છેલ્લા કેટલાક સમયથી જે સિક્સર માટે ઓળખાય છે તે રીતે રમી રહ્યો નથી. જોકે હવે તે આંતરરાષ્ટ્રીય ક્રિકેટ નથી રમી રહ્યો અને માત્ર IPL માં જ દેખાય છે. એમએસ ધોનીનાં પ્રેક્ટિસ સત્રમાંથી જે વીડિયો સામે આવ્યો છે તેમાં તે પોતે બોલને જબરદસ્ત અંદાજમાં ફટકારતો જોવા મળી રહ્યો છે. ધોની તેના પ્રેક્ટિસ સેશનમાં આગળ વધીને ઘણા આક્રમક સ્ટ્રોક રમતા જોવા મળે છે. આ દરમિયાન ધોનીએ જોરદાર શોટ લગાવ્યો હતો, ત્યારબાદ બોલ સ્ટેડિયમની બહાર જતો રહ્યો હતો. નજીકમાં બીજો પાર્ક છે, બોલ એ અંતર કાપ્યું છે. આ સાથે લખવામાં આવ્યું છે, આ એમએસ ધોનીનાં બેટનો અવાજ છે. આઈપીએલ ફેઝ ટુ ની પહેલી જ મેચમાં એમએસ ધોનીની ચેન્નાઈ સુપર કિંગ્સનો સામનો રોહિત શર્માની ટીમ મુંબઈ ઈન્ડિયન્સ સાથે થશે. આ મેચ 19 સપ્ટેમ્બરે રમાશે.
આ પણ વાંચો – Cricket / વેસ્ટ ઈન્ડિઝનાં પૂર્વ કેપ્ટન ડેરેન સેમીએ ટી-20 વર્લ્ડકપ પહેલા આપ્યું મોટુ નિવેદન
એમએસ ધોની નિવૃત્ત થયાને હવે એક વર્ષથી વધુ સમય થઈ ગયો છે. વર્ષ 2020 માં 15 મી ઓગસ્ટે ધોનીએ આંતરરાષ્ટ્રીય ક્રિકેટમાંથી નિવૃત્તિ લીધી હતી. આ પછી, તે આઈપીએલ 2020 અને પછી આઈપીએલ 2021 નાં પ્રથમ તબક્કામાં પણ દેખાયો હતો. આઈપીએલ 2020 ની સીઝન ધોની અને તેની ટીમ માટે સારી રહી નથી, પરંતુ આ વર્ષે ટીમે સારું પ્રદર્શન કર્યું છે. ટીમ અત્યારે પોઈન્ટ ટેબલમાં બીજા નંબરે છે. ટીમની સફર કેવી રીતે આગળ વધે છે તે હવે જોવાનું રહ્યું.
