દક્ષિણ આફ્રિકા પ્રવાસ માટે ભારતીય ટેસ્ટ ટીમની આજે જાહેરાત કરવામાં આવશે. ખેલાડીઓનાં વર્તમાન ફોર્મ અને ફિટનેસને જોતા કેટલાક મોટા નામો એવા છે જેઓ આ પ્રવાસમાં ટીમનો સાથ આપી શકશે નહીં.
આ પણ વાંચો – ICC Test Ranking / T20 વર્લ્ડકપમાં બહાર રહેલા અશ્વિને બોલરો અને ઓલરાઉન્ડરોની રેન્કિંગમાં મેળવ્યું બીજુ સ્થાન
દક્ષિણ આફ્રિકા પ્રવાસ પહેલા ભારત માટે ખરાબ સમાચાર છે. જો એમ કહેવામાં આવે કે, ભારતને મોટો આંચકો લાગ્યો છે તો કંઈ ખોટું નહીં હોય. કારણ કે મીડિયા રિપોર્ટ્સ અનુસાર, ટીમ ઈન્ડિયાનાં ચાર મોટા ખેલાડીઓ ઈજાગ્રસ્ત થયા છે, જેમાં રવિન્દ્ર જાડેજા, શુભમન ગિલ, ઈશાંત શર્મા અને અક્ષર પટેલનો સમાવેશ થાય છે. જેમ તમે જાણો છો કે ભારત અને દક્ષિણ આફ્રિકાનો પ્રવાસ 26 ડિસેમ્બરથી શરૂ થઈ રહ્યો છે. આ માટે ટીમની પસંદગી ગમે ત્યારે થઈ શકે છે. અને મીડિયા અહેવાલો એવા પણ છે કે આ ચાર ખેલાડીઓને પસંદગીમાં સામેલ કરવામાં આવશે નહીં. રવિન્દ્ર જાડેજા ન્યૂઝીલેન્ડ સાથેની ટેસ્ટ સીરીઝની છેલ્લી ટેસ્ટ મેચમાં પણ રમ્યો ન હતો. વળી, ઈશાંત શર્મા પણ છેલ્લી મેચમાં બોલિંગ કરી શક્યો ન હતો. આ ચારેય ભારતનાં મહત્વપૂર્ણ ભાગો છે. ટીમમાં ન હોવાને કારણે પ્લેઇંગ 11 સાથે સાઉથ આફ્રિકાનાં પ્રવાસ પર મોટો ખેલાડી હોવાને કારણે ટીમ માટે મુશ્કેલી ઊભી થઈ શકે છે.
આ પણ વાંચો – Ashes series / મિચેલ સ્ટાર્કે 85 વર્ષમાં જે કોઇ ન કરી શક્યું તે કરી બતાવ્યું, Video
જેમ કે BCCI દ્વારા પહેલાથી જ સ્પષ્ટ કરવામાં આવ્યું છે કે, ભારત દક્ષિણ આફ્રિકાનાં પ્રવાસ પર 3 ટેસ્ટ મેચોની સીરીઝ રમશે. આ પહેલા જાડેજાએ ન્યૂઝીલેન્ડ સાથેની સીરીઝમાં શાનદાર પ્રદર્શન કર્યું હતું. તેણે બેટથી 50 રન બનાવવાની સાથે બોલિંગમાં પણ શાનદાર રમત દેખાડી હતી. ટીમનાં સિનિયર ખેલાડીઓની વાત કરીએ તો અજિંક્ય રહાણે અને પૂજારા ખરાબ ફોર્મ સાથે સંઘર્ષ કરી રહ્યા છે. આવી સ્થિતિમાં આ ચારેયની ઈજા બાદ પ્લેઈંગ 11ને લઈને કેપ્ટન વિરાટ કોહલી અને કોચ રાહુલ દ્રવિડની સામે મોટી સમસ્યા ઉભી થઈ શકે છે.
