74માં પ્રજાસત્તાક દિવસના અવસર પર, દેશભરમાંથી એવા અદ્ભુત ફોટો અને વીડીયો સામે આવ્યા જેણે દરેક ભારતીયને ગર્વ અનુભવ્યો. પરંતુ આ દરમિયાન અલીગઢથી એક વીડિયો સામે આવ્યો છે જેમાં એક મુસ્લિમ શિક્ષક રાષ્ટ્રગીત ગાવાનો ઈન્કાર કરી રહ્યો છે અને ભારત માતા અને મા સરસ્વતીની તસવીરોને ફૂલ ચઢાવવાની ના પાડી રહ્યો છે.
ધ્વજ ફરકાવવાની ના પાડી
આ મામલો ઈગલાસ તહસીલના લહકાટોઈ ગામની એક સરકારી પ્રાથમિક શાળાનો છે. પ્રજાસત્તાક દિવસની ઉજવણી નિમિત્તે અહીં ધ્વજવંદન કાર્યક્રમનું આયોજન કરવામાં આવ્યું હતું. ધ્વજવંદન કાર્યક્રમમાં તમામ શિક્ષકોએ ઉત્સાહભેર ભાગ લીધો હતો. આ દરમિયાન મુસ્લિમ શિક્ષક હસમુદ્દીને રાષ્ટ્રગીત ગાવાની ના પાડી દેતાં તમામ શિક્ષકો ચોંકી ઉઠ્યા હતા.
વાયરલ વીડિયોમાં શિક્ષક હસમુદ્દીન રાષ્ટ્રગીત ગાવાનો અને ભારત માતા કી જય બોલવાનો સ્પષ્ટ ઇનકાર કરી રહ્યો છે. તેણે ધ્વજ ફરકાવવાનો સ્પષ્ટ ઇનકાર પણ કરી દીધો. એટલું જ નહીં, તે બસંત પંચમીના અવસર પર સરસ્વતી માતાના ફોટાને માળા ચઢાવવાની ના પાડતો પણ જોવા મળે છે.
‘મારો ધર્મ જ મને અલ્લાહ સમક્ષ માથું નમાવવાની છૂટ આપે છે’
હસમુદ્દીને કહ્યું કે, તેમનો ધર્મ તેમને ફક્ત અલ્લાહ સમક્ષ માથું નમાવવાની પરવાનગી આપે છે અને તે અન્ય કોઈ સંસ્થા માટે ગીત ગાશે નહીં. વીડિયો ક્લિપમાં, અન્ય શિક્ષકો હસમુદ્દીનને ધાર્મિક વિધિઓનું પાલન કરવા સમજાવવાનો પ્રયાસ કરતા જોઈ શકાય છે. તેના પર તેને કહેવામાં આવે છે કે તે હાથરસથી અહીં આવ્યો છે, તેથી અહીંથી ફૂલ ચઢાવવા જાઓ, પરંતુ તે કહે છે કે તેની તબિયત સારી નથી.
તે જ સમયે, મૂળભૂત શિક્ષણ અધિકારી (BSA) સત્યેન્દ્ર સિંહે કહ્યું કે તેમને વીડિયો ક્લિપ વિશે જાણ કરવામાં આવી છે અને તેમણે આ બાબતને ગંભીરતાથી લીધી છે. તેમણે કહ્યું, “મેં તપાસના આદેશ આપ્યા છે અને જેવો રિપોર્ટ મને આપવામાં આવશે, હું કડક કાર્યવાહી શરૂ કરીશ.”
આ પણ વાંચો: કુનો નેશનલ પાર્કમાં 6 મહિનામાં અઢી ગણી થઈ જશે ચિત્તાની સંખ્યા, જાણો આ સારા સમાચારનું કારણ?
આ પણ વાંચો:PM મોદીએ કહ્યું- માતા પાસેથી શીખો ટાઈમ મેનેજમેન્ટ, ‘પરીક્ષા પે ચર્ચા’ મારી પણ પરીક્ષા છે
આ પણ વાંચો: CM યોગી સામે ખુરશી માટે મંત્રી અને પૂર્વ મંત્રી વચ્ચે ઝપાઝપી, ગણતંત્ર દિવસની ઉજવણીનો વીડિયો વાયરલ
