રાંચીઃ ભારત અને ઇંગ્લેન્ડ વચ્ચેની ચોથી ટેસ્ટના બીજા દિવસે મેચ રસપ્રદ સ્થિતિમાં આવી ગઈ છે. બીજા દિવસની રમત પૂરી થઈ ગઈ છે. ભારતે તેના પ્રથમ દાવમાં સાત વિકેટ ગુમાવીને 219 રન બનાવ્યા છે. કુલદીપ યાદવ 17 રન અને ધ્રુવ જુરેલ 30 રન બનાવીને અણનમ છે. ઈંગ્લેન્ડે પ્રથમ દાવમાં 353 રન બનાવ્યા હતા. આ મામલે ટીમ ઈન્ડિયા હજુ 134 રન પાછળ છે. ભારતે સાત વિકેટ ગુમાવીને 200થી વધુ રન બનાવ્યા છે. ધ્રુવ જુરેલ 21 રન અને કુલદીપ 15 રન બનાવીને ક્રિઝ પર છે. બંને વચ્ચે 30થી વધુ રનની ભાગીદારી થઈ છે. ઈંગ્લેન્ડ તરફથી શોએબ બશીરે ચાર અને ટોમ હાર્ટલીએ બે વિકેટ ઝડપી હતી.
177ના સ્કોર પર ભારતને સાતમો ફટકો લાગ્યો હતો. ટોમ હાર્ટલે રવિચંદ્રન અશ્વિનને LBW આઉટ કર્યો. તે એક રન બનાવી શક્યો હતો. કુલદીપ યાદવ અને ધ્રુવ જુરેલ ક્રિઝ પર છે. ઈંગ્લેન્ડના સ્પિનરો તબાહી મચાવી રહ્યા છે. શોએબ બશીરે ચાર અને ટોમ હાર્ટલીએ બે વિકેટ ઝડપી છે. ભારતને 171ના સ્કોર પર છઠ્ઠો આંચકો લાગ્યો હતો. સરફરાઝ ખાનને ટોમ હાર્ટલીએ રૂટના હાથે કેચ આઉટ કરાવ્યો હતો. તે 14 રન બનાવી શક્યો હતો. હાલમાં રવિચંદ્રન અશ્વિન અને ધ્રુવ જુરેલ ક્રિઝ પર છે. આ પહેલા યશસ્વી 73 રન બનાવીને પેવેલિયન પરત ફર્યો હતો. ભારતને 161ના સ્કોર પર પાંચમો ફટકો લાગ્યો હતો. શોએબ બશીરને ચોથી સફળતા મળી. તેણે યશસ્વી જયસ્વાલને બોલ્ડ કર્યો હતો. યશસ્વી 117 બોલમાં આઠ ચોગ્ગા અને એક છગ્ગાની મદદથી 73 રન બનાવીને આઉટ થયો હતો. હાલમાં સરફરાઝ ખાન અને ધ્રુવ જુરેલ ક્રિઝ પર છે.
ઇંગ્લેન્ડના 353 રનના સ્કોર સામે ભારતે 4 વિકેટે 131 રન કર્યા છે અને ભારત હજી 222 રન પાછળ છે. આશ્વાસન લેવા જેટલી વાત એ છે કે ભારત હાલમાં ફોલોઓન થાય તેવી સંભાવના નથી. સમય સુધીમાં ભારતે તેની પ્રથમ ઇનિંગમાં ચાર વિકેટ ગુમાવીને 131 રન બનાવ્યા હતા. ભારતીય બેટ્સમેનો શોએબ બશીરની સ્પિનમાં ફસાઈ ગયા હોય તેવું લાગી રહ્યું છે. તેણે અત્યાર સુધીમાં ત્રણ વિકેટ ઝડપી છે. બશીરે શુભમન ગિલ (38), રજત પાટીદાર (17) અને રવિન્દ્ર જાડેજા (12)ને પેવેલિયનમાં મોકલ્યા છે. આ સાથે જ રોહિત શર્મા બે રન બનાવીને એન્ડરસનનો શિકાર બન્યો હતો. ભારત હજુ પણ ઈંગ્લેન્ડથી 222 રન પાછળ છે. તેની સાથે રાહતની વાત એ છે કે યશસ્વી જયસ્વાલ હજી પણ 54 રન બનાવી ક્રીઝ પર છે.
બીજા દિવસે લંચ બ્રેક સુધીમાં ભારતે તેના પ્રથમ દાવમાં એક વિકેટ ગુમાવીને 34 રન બનાવ્યા હતા. હાલમાં યશસ્વી જયસ્વાલ 27 રન બનાવીને ક્રિઝ પર છે અને શુભમન ગીલે ચાર રન બનાવ્યા છે. ભારતને પહેલો ફટકો ચારના સ્કોર પર લાગ્યો હતો. રોહિત બે રન બનાવીને એન્ડરસનનો શિકાર બન્યો હતો. ભારત હજુ પણ ઈંગ્લેન્ડથી 319 રન પાછળ છે.
ટોસ જીતીને પ્રથમ બેટિંગ કરવા આવેલી ઈંગ્લેન્ડની ટીમની પ્રથમ ઈનિંગ્સ બીજા દિવસે પહેલા સત્રમાં 353 રન પર સમાપ્ત થઈ ગઈ હતી. બીજા દિવસે ઈંગ્લેન્ડે સાત વિકેટે 302 રનથી રમવાનું શરૂ કર્યું હતું. ટીમે 51 રન ઉમેરતા બાકીની ત્રણ વિકેટ ગુમાવી દીધી હતી. રવિન્દ્ર જાડેજાએ ત્રણેય વિકેટ લીધી હતી. તેણે એક જ ઓવરમાં ઓલી રોબિન્સન અને શોએબ બશીરને પેવેલિયન મોકલી દીધા હતા.
જાડેજાએ પહેલા રોબિન્સન અને જો રૂટની 102 રનની ભાગીદારી તોડી હતી. ઈંગ્લેન્ડની ઈનિંગ્સની 103મી ઓવરના પ્રથમ બોલ પર રોબિન્સન વિકેટકીપર ધ્રુવ જુરેલના હાથે કેચ આઉટ થયો હતો. તે 58 રન બનાવી શક્યો હતો. આ પછી ઓવરના ચોથા બોલ પર જાડેજાએ શોએબ બશીરને રજત પાટીદારના હાથે કેચ કરાવ્યો હતો. તે ખાતું ખોલાવી શક્યો ન હતો. ત્યારપછી તેણે જેમ્સ એન્ડરસનને LBW આઉટ કરીને ઈંગ્લેન્ડની ઈનિંગ્સને 353 રનમાં સમેટાવી દીધી હતી. એન્ડરસન ખાતું પણ ખોલાવી શક્યો નહોતો.
રવિન્દ્ર જાડેજાએ ઈંગ્લેન્ડની ઈનિંગ્સની 103મી ઓવરમાં બે વિકેટ લઈને ભારતીય ટીમનું મેચમાં પુનરાગમન કરાવ્યું છે. તેણે આ ઓવરના પહેલા બોલ પર ઓલી રોબિન્સનને વિકેટકીપર ધ્રુવ જુરેલના હાથે કેચ આઉટ કરાવ્યો હતો. તે 58 રન બનાવી શક્યો હતો. આ પછી ઓવરના ચોથા બોલ પર જાડેજાએ શોએબ બશીરને રજત પાટીદારના હાથે કેચ કરાવ્યો હતો. તે ખાતું ખોલાવી શક્યો ન હતો. ઈંગ્લેન્ડે નવ વિકેટે 352 રન બનાવ્યા છે. હાલમાં જો રૂટ 121 રન પર છે અને જેમ્સ એન્ડરસન ક્રિઝ પર છે.
ઈંગ્લેન્ડને તેનો આઠમો અને આજે પહેલો ફટકો 347ના સ્કોર પર લાગ્યો હતો. રવિન્દ્ર જાડેજાએ ઓલી રોબિન્સન અને જો રૂટ વચ્ચે 102 રનની ભાગીદારી તોડી હતી. રોબિન્સન 96 બોલમાં 58 રન બનાવીને આઉટ થયો હતો. તે વિકેટકીપર ધ્રુવ જુરેલના હાથે જાડેજાના હાથે કેચ આઉટ થયો હતો.
આ પણ વાંચોઃ
આ પણ વાંચોઃ
આ પણ વાંચોઃ
