સુપ્રીમ કોર્ટે કોલેજિયમે ચાર હાઇકોર્ટના ચીફ જસ્ટિસની નિમણૂંકને મંજૂરી આપી દીધી છે. સોમવારે કોલેજિયમમાં દિલ્હી, હિમાચલ પ્રદેશ, તેલંગણા અને મધ્યપ્રદેશ હાઇકોર્ટની ચીફ જસ્ટિસના નામોની ભલામણ કરવામાં આવી.
ચીફ જસ્ટિસ રંજન ગોગોઈ, જસ્ટિસ એસએ બોબડે અને જસ્ટિસ એનવી રમનની સભ્યપદ વાળી કોલેજિયમે ઝારખંડ હાઇકોર્ટના જજ જસ્ટિસ ડીએન પટેલના દિલ્હી હાઇકોર્ટના ચીફ જસ્ટિસ નિમણૂંકની ભલામણ કરી છે.
દિલ્હી હાઇકોર્ટના વર્તમાન ચીફ જસ્ટિસ, રાજેન્દ્ર મેનન, આગામી મહિને સેવાનિવૃત્ત થઈ રહ્યા છે. તો ત્યાં જ મદ્રાસ હાઈકોર્ટના જજ વી રામાસુબ્રમણ્યમને હિમાચલ પ્રદેશ હાઇકોર્ટના ચીફ જસ્ટિસ તરીકેની નિમણૂંકની ભલામણ કરી છે.
જસ્ટિસ એએ કુરૈશીને મધ્ય પ્રદેશ હાઈકોર્ટ અને જસ્ટિસ આરએસ ચૌહાણને તેલંગાણા હાઇકોર્ટના ચીફ જસ્ટિસ નિમણૂંકની ભલામણ કરી છે. આ ઉપરાંત, કોલેજિયમે બે વકીલો, વિશાલ ધાગત અને વિશાલ મિશ્રાને મધ્ય પ્રદેશ હાઇકોર્ટમાં જજ નિમણૂંક કરવાની ભલામણ કરી છે.
