મેરઠ,
જમ્મુ-કાશ્મીરમાં પુલવામા આતંકવાદી હુમલા બાદ એક શૂટઆઉટમાં મેરઠના અજય કુમાર સહીત ચાર સૈનિકો શહીદ થયા હતા.બુધવારે, શહીદ અજય કુમારનો મૃતદેહ તેના વતન પહોંચ્યો હતો. શહીદને શ્રદ્ધાંજલિ આપવા માટે યુપીના પ્રધાન ગ્રામજનો સાથે પહોંચ્યા હતા. ભાજપના નેતાઓ યુપી પ્રધાન શહીદોને શ્રદ્ધાંજલિ આપવા આવ્યા અને તેમની એક ભૂલના લીધે પીડિતના પરિવારજનોના ગુસ્સાનો સામનો કરવો પડ્યો.
શહીદને અપાઇ રહેલી આ શોકસભામાં એવું બન્યું કે ભાજપના નેતા શહીદના પાર્થિવ શરીરની બાજુમાં જૂતા પહેરીને બેઠા હતા. આ વાત પર શહીદ પરિવારના સભ્યો ખૂબ ગુસ્સે થયા હતા. પરિવારના ગુસ્સાને જોતાં, પ્રધાન સાથે અન્યને તેમના જૂતાને તાત્કાલિક ઉતારવા પડ્યા હતા.ત્યારપછી જ આ બાબત શાંત થઈ ગઈ.
આ સમયગાળા દરમિયાન, ત્યાં હાજર રહેલ મીડિયાએ સમગ્ર મામલો કેમરામાં કેદ થઇ ગયો હતો. અજય કુમારની અંતિમ વિધિ મેરઠના આઈઆઈટી કોલેજના મેદાનમાં થઈ રહીં હતી. લોકોની ભીડને કારણે, વહીવટીતંત્રે ચિતાની આસપાસના બેરિકેડ મૂક્યા હતા. પરંતુ ઘણા નેતાઓ આ બેરિકેડિંગમાં જઈને બેસી ગયા હતા. જેમાં કેન્દ્રના રાજ્ય પ્રધાન સત્યપાલ સિંહ, ઉત્તર પ્રદેશ રાજ્ય પ્રધાન સિદ્ધાર્થ નાથ સિંહ અને ભાજપના મેરઠ વિધાનસભ્ય રાજેન્દ્ર અગ્રવાલનો સમાવેશ થાય છે.
આ નેતાઓએ જુતા નહીં ઉતારતા તેઓ શહીદના પરિવારના રોષનો ભોગ બન્યો હતા.આ ઘટનાનો વિડિઓ સોશિયલ મીડિયા પર શેર કરવામાં આવી રહ્યો છે.જેમાં જૂતામાં ભાજપના નેતાઓ સામે નારાજ શહીદના પરિવારજનો જોવા મળી રહ્યા છે. આ સમય દરમિયાન કેટલાક નેતાઓ હસતાં પણ જોવા મળ્યા છે. લોકો તેને ખોટા વર્તન તરીકે ગણે છે.
આપને જાણાવી દઈએ કે પુલવામાં ખાતે એન્કાઉન્ટરમાં સીઆરપીએફના કાફલા પર હુમલો કરવાનાર માસ્ટર માઈન્ડ કમરાન ગાઝીની હત્યા કરવામાં આવી છે. આ એન્કાઉન્ટર 18 કલાક ચાલ્યું હતું. મેજર વિભૂતિ સહિત ચાર સૈનિકો શહીદ થયા. એક બ્રિગેડિયર, લેફ્ટનન્ટ કર્નલ અને એક કર્નલને ગોળી મારી હતી.
