આસામમાં નેશનલ નાગરિક રજિસ્ટર (એનઆરસી) ની અંતિમ યાદી બાદ કોંગ્રેસમાં હલચલ મચી ગઈ છે. પક્ષના નેતાઓની બેઠક કોંગ્રેસના વચગાળાના અધ્યક્ષ સોનિયા ગાંધીના ગૃહમાં મળી હતી જેમાં એનઆરસીની અંતિમ લિસ્ટ પર ચર્ચા કરવામાં આવી હતી.
બેઠક બાદ લોકસભામાં વિપક્ષી નેતા અને કોંગ્રેસના નેતા અધિર રંજન ચૌધરીએ કહ્યું કે એનઆરસીની લિસ્ટમાં કોઈ પણ જેનવિન નાગરિકને હટાવવો નહીં અને દરેકને સુરક્ષા મળવી જોઈએ. અમારી માત્ર બે માંગ છે.
આસામમાં બહુ પ્રતીક્ષિત રાષ્ટ્રીય નાગરિક રજિસ્ટર (એનઆરસી) ની અંતિમ લિસ્ટ શનિવારે ઓનલાઇન જાહેર કરવામાં આવી હતી. આશરે 19.07 લાખ અરજદારો આમાં બાકાત રાખવામા આવ્યા છે. એનઆરસીની રાજ્ય સંયોજક કચેરીએ એક નિવેદનમાં જણાવ્યું છે કે 3,30,27,661 લોકોએ એનઆરસીમાં જોડાવા માટે અરજી કરી હતી.
આમાંથી 3,11,21,004 લોકોને શામેલ કરવામાં આવ્યા છે અને 19,06,657 લોકોને બાકાત રાખવામાં આવ્યા છે. સમાવિષ્ટ અને બાકાત નામો એનઆરસી વેબસાઇટ www.nrcassam.nic.in પર જોઇ શકાય છે.
નિવેદનમાં કહેવામાં આવ્યું છે કે અંતિમ લિસ્ટ સવારે 10 વાગ્યે જાહેર કરવામાં આવી હતી. સમાવિષ્ટ લોકોની પૂરક લિસ્ટ એનઆરસી સર્વિસ સેન્ટર્સ (એનએસકે), ડેપ્યુટી કમિશનરની કચેરીમાં અને અધિકારક્ષેત્રો પર ઉપલબ્ધ છે, જે લોકો કામના કલાકો દરમિયાન મુલાકાત લઈ શકે છે. આ લિસ્ટથી અસંતુષ્ટ તે 120 દિવસની અંદર વિદેશી ટ્રિબ્યુનલનો સંપર્ક કરી શકે છે.
આસામ સરકારે અગાઉ કહ્યું હતું કે, જેમને એનઆરસીની લિસ્ટમાં સામેલ કરવામાં આવ્યા નથી, તેઓને કોઈપણ સંજોગોમાં અટકાયતમાં લેવામાં આવશે નહીં સિવાય કે ફોરેન ટ્રિબ્યુનલ (એફટી) તેમને વિદેશી જાહેર કરશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
