દિલ્હી વિધાનસભાની ચૂંટણીમાં વિવાદિત ટ્વીટ કરનારા ભાજપના ઉમેદવાર કપિલ મિશ્રાના ભારત-પાકિસ્તાન મેચ વાળા ટ્વીટને હવે કાઢી નાખવામાં આવશે. ચૂંટણી પંચે ટ્વિટરને કપિલ મિશ્રાની ‘હિન્દુસ્તાન-પાકિસ્તાન મેચ’ ટ્વીટ ડિલીટ કરવા કહ્યું છે. સમાચાર એજન્સી દ્વારા આ માહિતી આપવામાં આવી છે. હકીકતમાં, ભાજપના ઉમેદવાર કપિલ મિશ્રાએ પોતાની ટ્વિટમાં કહ્યું હતું કે 8 ફેબ્રુઆરીએ યોજાનારી વિધાનસભાની ચૂંટણીમાં દિલ્હીની શેરીઓમાં ‘હિન્દુસ્તાન અને પાકિસ્તાન’ નો મુકાબલો થશે.
હકીકતમાં, અગાઉ દિલ્હીના મુખ્ય ચૂંટણી અધિકારીએ ચૂંટણી પંચને વિનંતી કરી હતી કે કપલી મિશ્રાના ટ્વીટને ડિલીટ કરવાની પ્રક્રિયા શરૂ કરવામાં આવે. કપિલ મિશ્રા, જે અરવિંદ કેજરીવાલ સરકારમાં પ્રધાન હતા, તે દિલ્હીના મોડેલ ટાઉનમાંથી ભાજપના ઉમેદવાર છે.
કપિલ મિશ્રાએ ટ્વીટ કર્યું હતું કે, 8 ફેબ્રુઆરીએ દિલ્હીમાં ભારત બનામ પાકિસ્તાન થશે. ભારત અને પાકિસ્તાન 8 ફેબ્રુઆરીએ દિલ્હીના માર્ગો પર ટકરાશે. આ પછી, એક અન્ય ટ્વિટમાં તેમણે શાહીનબાગમાં ‘મિની પાકિસ્તાન’ નો ઉલ્લેખ નાગરિકત્વ કાયદાના વિરોધ અંગે કર્યો હતો.
બીજા એક ટ્વિટમાં કપિલે કહ્યું કે, ‘પાકિસ્તાનની એન્ટ્રી શાહીન બાગમાં થઈ છે અને નાના પાકિસ્તાન દિલ્હીમાં થઈ રહ્યું છે. શાહીનબાગ, ચાંદ બાગ, ઇન્દ્રલોકને દેશનો કાયદો માનવામાં આવી રહ્યો નથી અને પાકિસ્તાની તોફાનીઓએ દિલ્હીની શેરીઓ પર કબજો કર્યો છે.
કેજરીવાલ દ્વારા આમ આદમી પાર્ટીના ભૂતપૂર્વ નેતા અને હાલના ભાજપના ઉમેદવાર કપિલ મિશ્રાને મંત્રી પદ પરથી હટાવવામાં આવ્યા હતા. આપને જણાવી દઈએ કે 8 ફેબ્રુઆરીએ દિલ્હીમાં વિધાનસભાની ચૂંટણી માટે મતદાન કરવામાં આવશે અને 11 ફેબ્રુઆરીએ પરિણામ આવશે. દિલ્હીમાં 70 વિધાનસભા બેઠકો છે જેમાંથી 58 સામાન્ય કેટેગરીમાં છે જ્યારે 12 બેઠકો અનુસૂચિત જાતિ માટે અનામત છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન
