વર્ષ 2019 થી અત્યાર સુધીમાં વિશ્વમાં 25.81 કરોડ લોકો કોરોના મહામારીની ઝપટમાં આવી ચુક્યા છે. આ દરમિયાન વાયરસથી સંક્રમિત 51.5 લાખથી વધુ લોકોએ પોતાનો જીવ ગુમાવ્યો છે. વૈશ્વિક મહામારી સામે ચાલી રહેલા રસીકરણ અભિયાન દરમિયાન, વિશ્વમાં 7.42 અબજથી વધુ રસીકરણ કરવામાં આવ્યું છે. મંગળવારે જોન્સ હોપકિન્સ યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) દ્વારા જારી કરવામાં આવેલા આંકડા અનુસાર, હાલમાં કોરોનાનાં વૈશ્વિક કેસ 258,172,735 પર પહોંચી ગયા છે. જ્યારે મૃત્યુઆંક વધીને 5,158,642 અને રસીકરણની કુલ સંખ્યા અનુક્રમે 7,423,214,529 થઈ ગઈ છે.
આ પણ વાંચો – ઉજ્જૈન / સંત સમાજનાં વિરોધ બાદ રેલ્વેએ બદલ્યો રામાયણ સ્પેશિયલ ટ્રેનનાં વેઇટર્સનો ડ્રેસ
આપને જણાવી દઇએ કે, કેન્દ્રીય સ્વાસ્થ્ય મંત્રાલય દ્વારા મંગળવારે જાહેર કરવામાં આવેલા આંકડા અનુસાર, ભારતમાં છેલ્લા 24 કલાકમાં 7,579 નવા કોવિડ-19 કેસ નોંધાયા છે, જે 543 દિવસમાં સૌથી ઓછા છે. આ સાથે, ભારતનો સક્રિય કેસલોડ 1,13,584 છે, જે 536 દિવસમાં સૌથી ઓછો છે. આ સાથે, છેલ્લા 24 કલાકમાં 236 લોકોનાં મોત સાથે, મૃત્યુઆંક 4,66,147 પર પહોંચી ગયો છે. વળી, આ મહામારીમાંથી 12,202 લોકો સાજા થવા સાથે, કુલ રિકવરી 3,39,46,749 પર પહોંચી ગઈ છે. દેશનાં સક્રિય કેસ કુલ કેસનાં 1 ટકા કરતા ઓછા છે અને તે હાલમાં 0.33 ટકા છે, જે માર્ચ 2020 પછી સૌથી નીચો છે. ભારતમાં અત્યાર સુધીમાં 117 કરોડથી વધુ કોવિડ રસીનાં ડોઝ આપવામાં આવ્યા છે. આ સાથે જ છેલ્લા 24 કલાકમાં 9,64,980 લોકોના કોરોના ટેસ્ટ કરવામાં આવ્યા છે.
આ પણ વાંચો – પંચમહાલ / ૯ વર્ષીય કિહાનખાન પઠાણને રાષ્ટ્રીય કક્ષાએ આત્મનિર્ભર ભારત આર્ટ એક્સિલન્સી એવોર્ડથી સન્માનિત કરવામાં આવ્યો.
આરોગ્ય મંત્રાલયે કહ્યું કે, દેશમાં કોવિડ-19 રસીનાં ડોઝની કુલ સંખ્યા 117 કરોડને વટાવી ગઈ છે. તેમાં કહેવામાં આવ્યું છે કે સોમવારે સાંજે 7 વાગ્યા સુધી, લાભાર્થીઓને રસીનાં 63 લાખ (63,98,165) થી વધુ ડોઝ આપવામાં આવ્યા હતા. નવા કોરોના વાયરસના સંક્રમણમાં દૈનિક વધારો સતત 46 દિવસથી 20,000 ની નીચે રહ્યો છે અને સતત 149 દિવસથી દૈનિક 50,000 થી ઓછા નવા કેસ નોંધાયા છે.
