Gujarat News: ગુજરાતના પ્રખ્યાત હવામાન નિષ્ણાત અંબાલાલ પટેલે (Ambalal Patel) તાજેતરમાં એક મહત્વપૂર્ણ આગાહી કરી છે જે રાજ્યના નાગરિકો માટે ચિંતાજનક હોઈ શકે છે. રાજ્યમાં થોડા સમય બાદ ફરી વરસાદી માહોલ શરૂ થશે. ત્યારબાદ ઓક્ટોબરની શરૂઆતમાં વરસાદ પડશે. હવામાનશાસ્ત્રી અંબાલાલ પટેલે જણાવ્યું હતું કે 18 થી 22 સપ્ટેમ્બર દરમિયાન ભારે વરસાદની સંભાવના છે.
હવામાન નિષ્ણાંત અંબાલાલ પટેલે આગામી સમયમાં ઉત્તર, મધ્ય, દક્ષિણ ગુજરાત તેમજ સૌરાષ્ટ્રમાં વરસાદની આગાહી કરી છે. તેમજ આ વખતે 3 ડિસેમ્બરથી ઠંડીની શરૂઆત થશે. તેમજ રાજ્યનાં અનેક જીલ્લાઓમાં વરસાદી માહોલ છવાશે. હાલ એકાએક ગરમીનો પારો વધતા લોકો ત્રાહિમામ પોકારી ઉઠ્યા છે.
અંબાલાલ પટેલે આગામી શિયાળા અંગે પણ કેટલીક મહત્વપૂર્ણ આગાહીઓ કરી છે. તેમના મતે, આ વર્ષે શિયાળો સામાન્ય કરતાં વહેલો શરૂ થવાની સંભાવના છે. અલ નીનોની અસરને કારણે ભારતની આસપાસનો દરિયો વધુ ઠંડો રહેશે. આના પરિણામે, 3 ડિસેમ્બરથી રાજ્યભરમાં ઠંડીનો પ્રકોપ શરૂ થવાની અપેક્ષા છે. 22 ડિસેમ્બરથી ઠંડીની તીવ્રતા વધુ વધવાની સંભાવના છે. તેમણે એ પણ ઉલ્લેખ કર્યો છે કે આ વર્ષનો શિયાળો લાંબા સમય સુધી ચાલુ રહી શકે છે.
ભારત હવામાન વિભાગ (IMD) દ્વારા અનુમાન મુજબ, ભારતમાં આ વર્ષે શિયાળો કાતિલ બની રહેવાનો છે. IMD એ સપ્ટેમ્બર 2024 માં લા નીના ઘટનાની શરૂઆત તરફ ધ્યાન દોર્યું છે, જેના કારણે સમગ્ર દેશમાં તાપમાનમાં નોંધપાત્ર ઘટાડો અને વરસાદમાં વધારો થવાની ધારણા છે. લા નીના, અલ નીનોનો ઠંડો સમકક્ષ, વિષુવવૃત્તીય પેસિફિકમાં દરિયાની સપાટીના નીચા તાપમાન દ્વારા વર્ગીકૃત થયેલ છે, જે ઠંડા અને સખત શિયાળો સહિત વ્યાપક આબોહવાની અસરો તરફ દોરી જાય છે.
આ પણ વાંચો:અંબાલાલ પટેલે કરી વરસાદની નવી આગાહી
આ પણ વાંચો:રાજ્યમાં આગામી ચાર દિવસ ઉત્તર ગુજરાતમાં વરસાદની આગાહી
આ પણ વાંચો:IMDએ કરી વરસાદની નવી આગાહી, છુટા છવાયા વરસાદ સાથે અપાયું યલો એલર્ટ
