ભારત અને ઇંગ્લેન્ડ વચ્ચે છેલ્લી અને નિર્ણાયક T-20 મેચ આજે અમદાવાદના નરેન્દ્ર મોદી સ્ટેડિયમ ખાતે રમાશે. હાલમાં, આ શ્રેણી 2-2થી બરાબર છે. ઉલ્લેખનીય છે કે આ મેચ કાળી માટીની પીચ પર રમાશે . જેના પર શ્રેણીની બીજી મેચ રમવામાં આવી હતી. મેચ ભારત જીતી ગઈ હતી, જેમાં ઇશાન કિશન 56 અને વિરાટ કોહલીએ 73 રન બનાવ્યા હતા.
ખરાબ ફોર્મ સાથે સંઘર્ષ કરી રહેલા લોકેશ રાહુલને ભારતીય કેપ્ટન વિરાટ કોહલીની મેચમાંથી બહાર કરી શકે છે. તેના સ્થાને ઇશાન કિશનને મોકો મળી શકે છે. જે રોહિત શર્મા સાથે ઓપનીંગ માં આવી શકે છે. વોશિંગ્ટન સુંદર નું સ્થાન પણ ટી નટરાજન લઇ શકે છે. જો કે, આ સંભાવના બહુ ઓછી છે.
ટીમ ઈન્ડિયા પાસે સતત છઠ્ઠી શ્રેણી જીતવાનો મોકો
ભારતને સતત છઠ્ઠી શ્રેણી અને ઇંગ્લેન્ડને સતત ત્રીજી શ્રેણી જીતવાની તક છે. નવેમ્બર 2019 પછીથી ટીમ ઈન્ડિયાએ તમામ 5 ટી 20 શ્રેણી જીતી લીધી છે. જ્યારે, ઇંગ્લિશ ટીમે સપ્ટેમ્બર 2020 થી તમામ 2 ટી 20 શ્રેણી જીતી લીધી છે.
ભારતીય ટીમ છેલ્લા 8 શ્રેણીથી અજેય છે
ભારતીય ટીમ છેલ્લી 5 ટી 20 શ્રેણીથી અજેય છે એટલે કે હાર્યું નથી. તેને ફેબ્રુઆરી 2019 માં ઓસ્ટ્રેલિયા સામેની શ્રેણીમાં છેલ્લી હાર મળી હતી. જ્યારે, દક્ષિણ આફ્રિકા સામે ટી -20 શ્રેણી સપ્ટેમ્બર 2019 માં 1-1 થી બરોબર રહી હતી. તે જ સમયે, સપ્ટેમ્બર 2017 પછીથી, ભારત નિદાહસ ટ્રોફી સહિત છેલ્લી 19 શ્રેણીમાંથી 2 હાર્યું છે. ઇંગ્લેંડની વાત કરીએ તો, આ દરમિયાન તે ફક્ત 1 સિરીઝ હર્યું છે. જુલાઈ 2018 માં ટી -20 શ્રેણીમાં તે છેલ્લે ભારત સામે પરાજિત થઈ હતી.
