Unseasonal Rain Alert North India: દેશના હવામાનમાં ફરી એકવાર મોટો પલટો આવ્યો છે. ઉત્તર ભારત સહિત દેશના કુલ 17 રાજ્યોમાં કમોસમી વરસાદ અને વાવાઝોડાએ કાળો કેર વર્તાવ્યો છે. ભારતીય હવામાન વિભાગ (IMD) દ્વારા આગામી 24 કલાક માટે ભારે વરસાદ, તેજ પવન અને કરા પડવાની ગંભીર ચેતવણી જારી કરવામાં આવી છે. ખાસ કરીને ઉત્તર પ્રદેશ અને હરિયાણામાં સ્થિતિ વધુ વણસી શકે છે.
17 રાજ્યોમાં (Unseasonal Rain) વરસાદી માહોલ
વેસ્ટર્ન ડિસ્ટર્બન્સના કારણે દેશના મોટા ભાગના વિસ્તારોમાં વાતાવરણના મિજાજમાં પલટો આવ્યો છે. રાજસ્થાન, મધ્યપ્રદેશ, પંજાબ, હરિયાણા અને ઉત્તર પ્રદેશમાં ગાજવીજ સાથે વરસાદ શરૂ થયો છે. હવામાન વિભાગના જણાવ્યા અનુસાર, પર્વતીય વિસ્તારોમાં હિમવર્ષા અને મેદાની વિસ્તારોમાં કરા પડવાની શક્યતા છે.
23 જિલ્લાઓમાં ‘હાઈ-એલર્ટ’
હવામાન વિભાગે ઉત્તર ભારતના ખાસ કરીને યુપી અને હરિયાણાના 23 જિલ્લાઓમાં હાઈ-એલર્ટ જાહેર કર્યું છે. આ વિસ્તારોમાં 40 થી 60 કિમી પ્રતિ કલાકની ઝડપે પવન ફૂંકાવાની અને જોરદાર ગાજવીજ સાથે વરસાદ પડવાની સંભાવના છે. વહીવટી તંત્રને સાવધ રહેવા અને નાગરિકોને બિનજરૂરી બહાર ન નીકળવા અપીલ કરવામાં આવી છે.
ખેડૂતોની ચિંતામાં વધારો
આ કમોસમી વરસાદ ખેતી માટે આફત બનીને આવ્યો છે. લણણીના આરે ઉભેલા પાકને કરા અને ભારે પવનને કારણે મોટું નુકસાન થવાની ભીતિ છે. ખાસ કરીને ઘઉં, રાયડો અને જીરાના પાકને આ વાતાવરણથી માઠી અસર પહોંચી શકે છે.
મુખ્ય આગાહીઓ:
તેજ પવન: 50-60 કિમીની ઝડપે વાવાઝોડું ફૂંકાવાની શક્યતા.
કરાની આગાહી: હરિયાણા અને પશ્ચિમ યુપીમાં કરા પડવાની પ્રબળ સંભાવના.
તાપમાનમાં ઘટાડો: વરસાદને કારણે તાપમાનમાં 3 થી 5 ડિગ્રીનો ઘટાડો નોંધાશે.
આ પણ વાંચો:ગુજરાતમાં ભર ઉનાળે અચાનક માવઠાની એન્ટ્રી, 18થી 20 માર્ચ સુધી ગાજવીજ-ભારે પવન સાથે વરસાદની આગાહી
આ પણ વાંચો:માવઠાની એન્ટ્રી! ગુજરાતના આ વિસ્તારોમાં ત્રાટકશે વરસાદ, ખેડૂતો અને જનતા માટે જાહેર થયું એલર્ટ
આ પણ વાંચો: સૌરાષ્ટ્ર-કચ્છમાં વાવાઝોડા સાથે વરસાદનો તાંડવ, 690 ગામોમાં PGVCLનો વીજ પુરવઠો ખોરવાયો
