Ahmedabad News: અમદાવાદ એરપોર્ટ પર અમદાવાદથી નાસિક જતી ઇન્ડિગોની ફ્લાઇટ છેલ્લી ઘડીએ રદ (IndiGo Flight Cancelled) કરવામાં આવતાં મુસાફરો મુશ્કેલીમાં મુકાયા હતા. ખાસ વાત એ છે કે ફ્લાઇટનું બોર્ડિંગ પૂર્ણ થઈ ગયું હતું અને મુસાફરો પોતાનું લગેજ પણ જમા કરાવી ચૂક્યા હતા. આટલી પ્રક્રિયા પૂર્ણ થયા બાદ અચાનક ફ્લાઇટ રદ (Flight Cancellation) કરવાની જાણ થતાં મુસાફરોમાં ભારે નારાજગી જોવા મળી હતી.
IndiGo Flight Cancelled: બોર્ડિંગ પૂર્ણ થયા બાદ ફ્લાઇટ રદ થતાં મુસાફરો અટવાયા
મુસાફરોના જણાવ્યા અનુસાર, અમદાવાદથી નાસિક જતી ફ્લાઇટમાં (Ahmedabad Nashik Flight) બેસવાની પ્રક્રિયા પૂર્ણ થઈ ગઈ હતી. તમામ મુસાફરોએ પોતાનું લગેજ પણ એરલાઇન્સને સોંપી દીધું હતું. જોકે, ત્યારબાદ અચાનક ફ્લાઇટ રદ કરવાનો નિર્ણય લેવામાં આવતાં મુસાફરોને એરપોર્ટ પર જ અટવાવાનો વારો આવ્યો હતો.
સીધી ફ્લાઇટના બદલે મુંબઈ થઈ જવાનો વિકલ્પ
ફ્લાઇટ રદ થયા બાદ ઇન્ડિગો (IndiGo Airlines) દ્વારા મુસાફરોને અમદાવાદથી મુંબઈ અને ત્યાંથી નાસિક પહોંચવાનો વિકલ્પ આપવામાં આવ્યો હતો. જોકે, સીધી ફ્લાઇટમાં મુસાફરી કરવાની તૈયારી સાથે આવેલા મુસાફરોને હવે વચ્ચે મુંબઈ થઈને જવું પડે તેવી સ્થિતિ સર્જાતાં નારાજગી જોવા મળી હતી.
બોર્ડિંગ અને લગેજની પ્રક્રિયા પૂર્ણ થયા બાદ છેલ્લી ઘડીએ ફ્લાઇટ રદ થતાં મુસાફરોને સમય અને મુસાફરીના આયોજનને લઈને મુશ્કેલીનો સામનો કરવો પડ્યો હતો. આ ઘટનાને લઈને મુસાફરોએ એરલાઇન્સ સામે વિરોધ નોંધાવ્યો હતો.
આ પણ વાંચો: અમદાવાદથી બાગડોગરા જતી ફ્લાઇટ રદ થતાં હોબાળો, ગેટ નંબર-5 પર મુસાફરોના ધરણા
આ પણ વાંચો: ફ્લાઇટ ટિકિટના ભાવમાં ઉછાળો: વિદેશ પ્રવાસ સસ્તો, દિલ્હી મોંઘું
આ પણ વાંચો: એર ઇન્ડિયાની ફ્લાઇટમાં હાઇજેક એલર્ટ! અમદાવાદ ATCને સિગ્નલ, જયપુરમાં ઇમરજન્સી લેન્ડિંગ
