મેક્સિકોમાં મંગળવારે મોડી રાત્રે વિનાશકારી ભૂકંપ આવ્યો હતો. આ ભૂકંપની તીવ્રતા રિક્ટર સ્કેલ પર ૭.૧ નોધાઇ હતી. આ વિનાશકારી ભૂકંપના કારણે ૧૫૦થી વધુ લોકોના મોત થવાની સંભાવના છે, જયારે આંકડો હજી પણ વધી શકે છે. છેલ્લા ૧૨ દિવસમાં મેક્સિકોમાં આ બીજો ભૂકંપ છે. અમેરિકાનાં ભૂગર્ભ ખાતાના સર્વે અનુસાર, આ ભૂકંપનું કેન્દ્ર મેક્સિકો સીટીથી લગભગ ૧૨૦ કિલોમીટર દૂર પુએબ્લામાં હતું.
મેક્સિકો સિટીના મેયર મેગુએલ મેન્સેરાના જણાવ્યા અનુસાર, ભૂકંપથી ખૂબ વધારે નુકસાન થયું છે. માત્ર રાજ્યમાં જ ૪૪ બિલ્ડિંગો પડી છે. ભૂકંપના કારણે હજારો લોકો રસ્તા પર આવી ગયા છે. ખૂબ ઝડપથી રેસ્ક્યૂ ઓપરેશન કરવામાં આવી રહ્યા છે. અનેક લોકો કાટમાળામાં દબાયા હોવાની આશંકા છે.
મહત્વનું છે કે, મેક્સિકોમાં ૩૨ વર્ષ પહેલાં જ ૧૯૮૫ માં આ જ દિવસે ભૂકંપ આવ્યો હતો. તેમાં પણ હજારો લોકોના મૃત્યુ થયા હતા. તેના બે સપ્તાહ પછી આવેલા વધુ એક તાકાતવર ભૂકંપમાં અન્ય ૯૦ લોકોના જીવ ગયા હતા.
અમેરિકાના રાષ્ટ્રપતિએ આ વિષે દુ:ખ વ્યક્ત કરીને ટ્વિટ દ્વારા જણાવ્યું , અમે તમારી સાથે છીએ અને હંમેશા રહીશું.
