નવી દિલ્હી,
ભારતે આજે સવારે 5000 કિમીની રેન્જ ધરાવતી મિસાઈલ, ચીન અને પાકિસ્તાન પર સીધો હમલો કરી શકે અને સાથે અનેક હથિયારો લઇ જવા માટે સક્ષમ એવી બેલાસ્ટિક મિસાઈલ ‘અગ્નિ-5‘ નું સફળ પરીક્ષણ કર્યું છે.
આજે સવારે 9.53 વાગે ઓડિશાના કિનારે આવેલા અબ્દુલ કલામ ટાપુ પરથી ઇન્ટર કોન્ટિનેન્ટલ 5000 કિમીની રેન્જ ધરાવતી સરફેસ ટુ સરફેસ ન્યુક્લિયર કેપેબલ બેલાસ્ટિક મિસાઇલ ‘અગ્નિ-5’ નું પરીક્ષણ કરવામાં આવ્યુ હતુ.
અગ્નિ-5 મિસાઇલની ઊંચાઇ 17 મીટર અને વ્યાસ 2 મીટર છે. તેનું વજન 50 ટન છે. તે દોઢ ટન સુધી પરમાણુ હથિયારને લઇ જવા માટે સક્ષમ છે. આ મિસાઈલની સ્પીડ અવાજની ગતિ કરતા 24 ગણી વધારે છે.
આ વિશે ભારતના સંરક્ષણપ્રધાન નિર્મલા સીતારમને કહ્યું હતું કે, આજે આપને ન્યુક્લિયર સક્ષમ એવી બેલાસ્ટિક મિસાઇલ અગ્નિ-5નું સફળ પરીક્ષણ કર્યું છે. અગ્નિ-5 અનેક હથિયારો લઇ જવા માટે સક્ષમ છે. પરમાણુ ક્ષમતાથી સજ્જ આ મિસાઇલની રેન્જમાં આખું ચીન અને પાકિસ્તાન આવી જશે.