લીસ્બન
દુનિયાની સૌથી મોંધી ચોકલેટ શુક્રવારે પોર્ટુગલ દેશનું શહેર ઓબીડોસ ખાતે ચાલી રહેલા ઇન્ટરનેશનલ ચોકલેટ ફેરમાં પ્રદર્શનમાં મુકવામાં આવી હતી.
આ ચોકલેટની કિંમત ૯,૪૮૯ ડોલર એટલે કે ૬,૧૬,૭૮૫ રૂપિયા છે. આ ચોકલેટમાં કેસર, વાઈટ ટ્રફલ અને વેનીલાનો ઉપયોગ કરીને બનાવવામાં આવી છે.
આ ચોકલેટની કિંમત શા માટે આટલી બધી મોંઘી છે તેવો પ્રશ્ન તમને અવશ્ય થતો હશે. તો તમને જણાવી દઈએ કે, આ ચોકલેટનું રેપર સોનાનું છે. શુદ્ધ ૨૩ કેરેટ સોનાનો ઉપયોગ કરવામાં આવ્યો છે. આમ સોનાના કાગળના લીધે આ ચોકલેટની કિંમત રૂપિયા ૬ લાખથી પણ વધુ છે.
આ ચોકલેટને બે વ્યક્તિએ બનાવી છે. તેમાંના એક પોર્ટુગીઝના ચોકલેટર ડેનીલ ગોમ્સએ કહ્યું હતું કે હીરાના આકારની આ ચોકલેટને ગીનીઝ બુક ઓફ રેકોર્ડમાં દુનિયાની સૌથી મોંઘી ચોકલેટ તરીકે સ્થાન મળ્યું છે.