Lifestyle News :આજના ડિજિટલ યુગમાં મોડી રાત સુધી મોબાઈલ વાપરવો અને અનિયમિત સમયે સૂવું (Irregular sleep) એક સામાન્ય આદત બની ગઈ છે. પરંતુ આ ટેવ તમારા હૃદય સ્વાસ્થ્ય માટે અત્યંત જોખમી સાબિત થઈ શકે છે. નિષ્ણાતોના મતે, દરરોજ અલગ-અલગ સમયે સૂવાથી અને જાગવાથી શરીરમાં હોર્મોનલ અસંતુલન સર્જાય છે, જે લાંબા ગાળે હાર્ટ એટેક અને ડિપ્રેશન જેવી ગંભીર બીમારીઓ તરફ દોરી જાય છે.
Irregular sleep : અનિયમિત ઊંઘ હૃદયને કેવી રીતે નુકસાન પહોંચાડે છે?
સર્કેડિયન રિધમ ખોરવાવું: માનવ શરીરની કુદરતી જૈવિક ઘડિયાળ (Biological Clock) ખોરવાઈ જવાથી બ્લડ પ્રેશર અને સ્ટ્રેસ હોર્મોન્સમાં ઉછાળો આવે છે.
હોર્મોનલ અસંતુલન: ક્યારેક રાત્રે 12 વાગ્યે તો ક્યારેક 2 વાગ્યે સૂવાથી શરીરને પૂરતો આરામ મળતો નથી, જેનાથી સ્વભાવ ચીડિયો થાય છે અને ડિપ્રેશનનું જોખમ વધે છે.
ગંભીર બીમારીઓનું જોખમ: સતત અનિયમિત ઊંઘ લેવાથી સ્થૂળતા (Obesity), હાઈ બ્લડ પ્રેશર અને ડાયાબિટીસ જેવી લાઈફસ્ટાઈલ બીમારીઓ થાય છે, જે હૃદય રોગનું મુખ્ય કારણ બને છે.
ગુણવત્તાયુક્ત ઊંઘ માટેની જરૂરી ટિપ્સ
નિયમિત સમયપત્રક: રજાના દિવસોમાં પણ દરરોજ એક જ સમયે સૂવા અને જાગવાની આદત કેળવો.
7 થી 9 કલાકની ઊંઘ: સ્વસ્થ પુખ્ત વ્યક્તિ માટે દરરોજ 7 થી 9 કલાકની શાંત ઊંઘ લેવી અનિવાર્ય છે.
સ્ક્રીન ટાઈમ ઘટાડો: સૂવાના 30 મિનિટ પહેલાં મોબાઈલ, લેપટોપ કે ટીવીનો ઉપયોગ બંધ કરો.
કેફીન ટાળો: મોડી સાંજે કે રાત્રે ચા, કોફી અને એનર્જી ડ્રિંક્સ લેવાનું બંધ કરો.
આ પણ વાંચો :મેનીક્યોર-પેડિક્યોર કરાવ્યા પછી ભૂલથી પણ ન કરો આ 5 કામ; નહિતર હાથ-પગની ત્વચા પડી જશે કાળી!
આ પણ વાંચો :પોતું કરવાના પાણીમાં મિક્સ કરી દો આ વસ્તુઓ…ઘરમાં સુગંધ ફેલાશે…બેક્ટેરિયા નહિં!!
આ પણ વાંચો :તાવ વગર પણ થઈ શકે છે ડેન્ગ્યુ! જાણો એટીપિકલ ડેન્ગ્યુના અસામાન્ય લક્ષણો
