કોરોના વાયરસના વધતા ખતરાને જોતા આમ આદમી પાર્ટીની પંજાબ સરકારે મહત્વનો નિર્ણય લીધો છે. પંજાબ સરકારે રાજ્યના લોકોને ભીડભાડવાળી જગ્યાએ માસ્ક પહેરવાની સૂચના આપી છે. જો કે, પંજાબ સરકાર દ્વારા હજુ સુધી માસ્ક ન પહેરવા બદલ કોઈ દંડ ફટકારવામાં આવ્યો નથી.
પંજાબ સરકારે એક નિવેદન જારી કરીને આ અંગે જાણકારી આપી છે. પંજાબ સરકારે તેના નિવેદનમાં કહ્યું, “કોરોના વાયરસના વધતા જતા કેસોને ધ્યાનમાં રાખીને, રાજ્યના લોકોને માસ્ક પહેરવાની સલાહ આપવામાં આવે છે. ભીડભાડવાળા વિસ્તારોમાં માસ્ક લગાવવા જોઈએ.
પંજાબ સરકારે કહ્યું, “ભીડવાળી જગ્યાએ માસ્ક લગાવવું ખૂબ જ મહત્વપૂર્ણ છે. પબ્લિક ટ્રાન્સપોર્ટ, ટ્રેન અને ટેક્સીનો ઉપયોગ કરતી વખતે પણ માસ્ક પહેરવું જરૂરી છે. આ ઉપરાંત ક્લાસરૂમ અને ઓફિસમાં પણ માસ્ક લગાવવું જરૂરી બનાવવામાં આવ્યું છે.
પંજાબમાં કોરોના વાયરસનો ખતરો સતત વધી રહ્યો છે. બુધવારે રાજ્યમાં કોરોના વાયરસના 30 નવા કેસ નોંધાયા હતા. આ સાથે પંજાબમાં સક્રિય દર્દીઓની સંખ્યા હવે 100ને પાર કરી ગઈ છે. એટલું જ નહીં, આમાંથી ચાર દર્દીઓની હાલત નાજુક છે.
આ પહેલા પંજાબના સ્વાસ્થ્ય મંત્રી વિજય સિંગલાએ સ્વાસ્થ્ય વિભાગના અધિકારીઓ સાથે બેઠક કરી હતી. વિજય સિંગલાનું કહેવું છે કે હવે ગભરાવાની જરૂર નથી. જો કે, વિજય સિંગલાએ કહ્યું કે પંજાબ સરકાર જરૂર પડ્યે કડક નિયંત્રણો પણ લાદી શકે છે.
આ પણ વાંચો:/ હવે તો દેશમાં ધારાસભ્ય પણ સુરક્ષિત નથી : હાર્દિક પટેલ
