Jamnagar Crime News: જામનગર જિલ્લાના જામજોધપુર તાલુકાના ગ્રામ્ય વિસ્તારમાં સગીરા પર દુષ્કર્મ (Jamjodhpur Minor Assault) થયાની ફરિયાદ સામે આવી છે. વાડીમાં મજૂરી કામ કરતા શ્રમિક પરિવારની સગીરા સાથે વાડી માલિકના પુત્રએ દુષ્કર્મ આચર્યાનો આક્ષેપ કરવામાં આવ્યો છે. સગીરાની માતાની ફરિયાદના આધારે જામજોધપુર પોલીસે આરોપી વિરુદ્ધ પોક્સો (POCSO) એક્ટ (POCSO Act Case) સહિતની લાગુ પડતી કલમો હેઠળ ગુનો નોંધી તેની ધરપકડ કરી છે.
Jamjodhpur Minor Assault: વાડી માલિકના પુત્ર સામે ફરિયાદ
પ્રાપ્ત માહિતી અનુસાર, જામજોધપુર (Jamjodhpur Crime News) તાલુકાના એક ગામમાં વાડીમાં મજૂરી કરીને ગુજરાન ચલાવતા પરિવારની સગીરા સાથે વાડી માલિકના પુત્ર નિલેશ ભીખુભાઈએ દુષ્કર્મ આચર્યાનો આક્ષેપ છે.
આ મામલે સગીરાની માતાએ પોલીસનો સંપર્ક કરીને ફરિયાદ નોંધાવી હતી. ફરિયાદના આધારે પોલીસે આરોપી સામે ગુનો નોંધી તપાસ શરૂ કરી હતી.
ફરિયાદ બાદ આરોપીની ધરપકડ
મામલાની ગંભીરતાને ધ્યાનમાં રાખીને પોલીસે તપાસ હાથ ધરી હતી. પોલીસ (Jamnagar Police)ના જણાવ્યા મુજબ, ફરિયાદ નોંધાયા બાદ ગણતરીના કલાકોમાં જ આરોપીને ઝડપી પાડવામાં આવ્યો હતો.
આરોપીની વધુ પૂછપરછ અને તપાસ માટે રિમાન્ડની માગણી સાથે તેને કોર્ટમાં રજૂ કરવામાં આવ્યો હોવાનું જણાવાયું છે.
સગીરાની તબીબી તપાસ
આ ઘટનામાં ભોગ બનનાર 13 વર્ષની સગીરાને તબીબી તપાસ માટે સરકારી હોસ્પિટલમાં લઈ જવામાં આવી છે. પોલીસ દ્વારા ફરિયાદમાં થયેલા આક્ષેપો અંગે વધુ તપાસ હાથ ધરવામાં આવી રહી છે.
આરોપી સામેના આક્ષેપોની સત્યતા કાયદેસરની તપાસ અને ન્યાયિક પ્રક્રિયા બાદ સ્પષ્ટ થશે.
આ પણ વાંચો: અમદાવાદમાં સગીરા પર દુષ્કર્મ કેસમાં 28 વર્ષીય આરોપીને આજીવન કેદ
આ પણ વાંચો: સગીરા પર દુષ્કર્મ કેસમાં આરોપીને 20 વર્ષની સખત કેદ
આ પણ વાંચો: આણંદના ઉમરેઠમાં સગીરા પર દુષ્કર્મ: પોક્સો હેઠળ ગુનો, આરોપી ઝડપાયો
