Chandigarh News : જસ્ટિસ નિર્મલ યાદવને 17 વર્ષ બાદ કોર્ટે મોટી રાહત આપી છે. જેમાં 2008નાં 15 લાખના લાંચ કેસમાં તેમને નિર્દોષ જાહેર કરવામાં આવ્યા છે. અન્ય જસ્ટિસ નિર્મલજીત કૌરના નિવાસસ્થાને ૧૫ લાખ રૂપિયાની રોકડ ધરાવતું પેકેટ કથિત રીતે તેમને પહોંચાડવામાં આવ્યું હતું. જસ્ટિસ યાદવ તે સમયે પંજાબ અને હરિયાણા હાઈકોર્ટના જજ હતા.
એડિશનલ સેશન્સ જજ અલકા મલિકની સ્પેશિયલ કોર્ટે આજે આ ચુકાદો આપ્યો. એટલું જ નહીં, આ કેસના અન્ય આરોપીઓ, રવિન્દર સિંહ ભસીન, રાજીવ ગુપ્તા અને નિર્મલ સિંહને પણ નિર્દોષ જાહેર કરવામાં આવ્યા હતા. જસ્ટિસ યાદવે તેમના છેલ્લા નિવેદનમાં કહ્યું હતું કે, ‘મેં કોઈ ગુનો કર્યો નથી અને સમગ્ર ટ્રાયલ દરમિયાન મારા પર એવો કોઈ આરોપ લાગ્યો નથી જેના આધારે મને દોષિત ઠેરવી શકાય.’
આ સમગ્ર મામલો 2008નો છે, જ્યારે એક કારકુનને જસ્ટિસ કૌરના ઘરે 15 લાખ રૂપિયાની રોકડ ભરેલું પેકેટ મળ્યું. કથિત રીતે આ પેકેટ જસ્ટિસ યાદવ માટે હતું અને તે જ નામના કારણે ખોટી ઓળખના કારણે તેને બીજા જજના ઘરે પહોંચાડવામાં આવ્યું હતું. જસ્ટિસ કૌરે પંજાબ અને હરિયાણા હાઈકોર્ટના તત્કાલીન મુખ્ય ન્યાયાધીશ અને ચંદીગઢ પોલીસને આ અંગે જાણ કરી . આ પછી, 16 ઓગસ્ટ 2008 ના રોજ FIR નોંધવામાં આવી હતી. જોકે, 10 દિવસ પછી, તત્કાલીન UT એડમિનિસ્ટ્રેટર જનરલ SF રોડ્રિગ્સે કેસ CBI ને ટ્રાન્સફર કર્યો. સીબીઆઈએ 28 ઓગસ્ટ 2008ના રોજ નવી એફઆઈઆર નોંધી.
આ પણ વાંચો: પુણે BMW કાંડ… રસ્તા પર અશ્લીલ હરકતો કરતો ગૌરવ આહુજા, ગેરકાયદેસર ધંધાનો થયો પર્દાફાશ!
આ પણ વાંચો: મુસાફરોની અશ્લીલ હરકતોથી પરેશાન કેબ ડ્રાઈવરે અનોખી નોટિસ જારી, આપી આ સલાહ
આ પણ વાંચો: ચાલતી કારમાં યુવક-યુવતી કરતા હતા આવી અશ્લીલ હરકતો, પોલીસે ઝડપ્યા, જુઓ વીડિયો
