જસ્ટિન બીબર ભારતમાં: કેનેડિયન પોપ સ્ટાર જસ્ટિન બીબરે ખૂબ જ નાની ઉંમરમાં પ્રસિદ્ધિ મેળવી છે. તેના ચાહકો માત્ર વિદેશમાં જ નહીં પરંતુ ભારતમાં પણ છે. આવી સ્થિતિમાં ભારતમાં તેના લાખો ચાહકો માટે એક સારા સમાચાર છે. જસ્ટિન ફરી એકવાર ભારત આવવાનો છે. જોકે આ પહેલીવાર નથી કે જસ્ટિન ભારત આવી રહ્યો છે. વર્ષ 2017ની શરૂઆતમાં જસ્ટિને મુંબઈમાં તેનો કોન્સર્ટ કર્યો હતો જેમાં લાખો લોકો એકઠા થયા હતા. પોતાના ફેવરિટ પોપ સ્ટારને જોઈને લોકોની ખુશીની કોઈ સીમા ન રહી.
ભારતમાં જસ્ટિન બીબરના ચાહકો લાંબા સમયથી તેના શોની રાહ જોઈ રહ્યા છે. આવી સ્થિતિમાં તેના ફેન્સ આ સમાચારથી ઘણા ખુશ છે. એવું કહેવામાં આવી રહ્યું છે કે પોપ સ્ટાર આ વર્ષે 18 ઓક્ટોબરે દેશની રાષ્ટ્રીય રાજધાની દિલ્હીમાં પરફોર્મ કરશે. તેનો શો દિલ્હીના જવાહરલાલ નેહરુ સ્ટેડિયમમાં યોજાશે.
કોન્સર્ટ માટેની ટિકિટ 4 જૂનથી BookMyShow પર ઉપલબ્ધ થશે. જો કે ટિકિટ માટે નોંધણી પહેલેથી જ શરૂ થઈ ગઈ છે અને પ્રી-રજિસ્ટર્ડ વપરાશકર્તાઓ 2 જૂનથી પાસ ખરીદવાનું શરૂ કરી શકે છે.
2017માં ભારત આવ્યો હતો
આ પહેલીવાર નથી જ્યારે આ સિંગર ભારત આવ્યો હોય. પાંચ વર્ષ પહેલા એટલે કે વર્ષ 2017માં જસ્ટીને મુંબઈના ડીવાય પાટિલ સ્ટેડિયમમાં પરફોર્મ કર્યું હતું. કોન્સર્ટ દરમિયાન બીબરે ‘સોરી’, ‘કોલ્ડ’, ‘વોટર’, ‘આઈ વીલ શો યૂ’, ‘વ્હેર આર યુ નાઉ’, ‘બોય ફ્રેન્ડ’ અને ‘બેબી’ જેવી આંતરરાષ્ટ્રીય હિટ સોન્ગથી લોકોનું મનોરંજન કર્યું હતું. તેનો કાર્યક્રમ જોવા માટે સ્ટેડિયમમાં 50 હજારથી વધુ લોકો હાજર હતા. બોલિવૂડ અભિનેત્રી આલિયા ભટ્ટ, શ્રીદેવી, જેકલીન ફર્નાન્ડીઝ, બિપાશા બાસુ, રવિના ટંડન, મહિમા ચૌધરી, મલાઈકા અરોરા અને અરબાઝ ખાન પણ બીબરને પરફોર્મ જોવા પહોંચ્યા હતા.
શોના અંતમાં જસ્ટિન બીબરે કહ્યું, “ભારતનો આભાર, હું ફરી આવીશ.” આવી સ્થિતિમાં જસ્ટિનના ફરીથી ભારત આવવાના સમાચારથી ફેન્સ ખુશ થઈ ગયા છે. તેમનું કહેવું છે કે જસ્ટિને પોતાનું વચન પાળ્યું છે અને હવે તે આખરે ભારત આવી રહ્યો છે.
આ પણ વાંચો: રાજકીય/ કોંગ્રેસની ટાસ્ક ફોર્સ-2024માં પ્રિયંકા ગાંધીની એન્ટ્રી, નવી ટીમમાં બળવાખોર નેતાઓને પણ સ્થાન
આ પણ વાંચો: નવી દિલ્હી/ ‘કુતુબ મિનાર એક સ્મારક છે, અહીં કોઈ ધર્મની પૂજા કરવાની મંજૂરી નથી’, ASIનું એફિડેવિટ
