સંયુક્ત રાષ્ટ્ર સુરક્ષા પરિષદ (યુએનએસસી) માં કાશ્મીરનો મુદ્દો ઉઠાવવાના ચીનના પ્રયાસ અંગે ભારત સરકારે ગુરુવારે કહ્યું કે ચીને વૈશ્વિક સંમતિ અંગે ગંભીરતાથી વિચારવું જોઇએ અને ભવિષ્યમાં આવી કાર્યવાહીથી દૂર રહેવું જોઈએ.
વિદેશ મંત્રાલયના પ્રવક્તા રવિશ કુમારે કહ્યું કે, “સુરક્ષા પરિષદનો બહુમતી સાથેનો મત છે કે, આવા મુદ્દાઓ માટે આ યોગ્ય મંચ નથી.” તેમણે કહ્યું કે, ચીન – પાકિસ્તાન દ્વારા યુએનએસસીના સભ્ય પ્લેટફોર્મનો દુરુપયોગ કરવાનો પ્રયાસ કરવામાં આવ્યો છે.
રવિશ કુમારે કહ્યું કે અમને આશા છે કે પાકિસ્તાનને સંદેશ મળ્યો છે કે જો ભારત અને પાકિસ્તાન વચ્ચે કોઈ મુદ્દો છે તો તેનો દ્વિપક્ષીય રીતે નિરાકરણ લાવવામાં આવે. ભવિષ્યમાં આવી પ્રવૃત્તિઓને ટાળીને આવા વૈશ્વિક અકળામણો ટાળવાનો વિકલ્પ પાકિસ્તાન પાસે છે.
Raveesh Kumar, MEA: We hope the message has gone loud & clear to Pak that if at all there's any matter between India & Pak that needs to be discussed, it should be done bilaterally. Pak has a choice to avoid this global embarrassment by refraining from such acts in future.
— ANI (@ANI) January 16, 2020
અમને જણાવી દઈએ કે બુધવારે (15 જાન્યુઆરી) ચીન મારફત સંયુક્ત રાષ્ટ્ર સુરક્ષા પરિષદ (યુએનએસસી) માં કાશ્મીરનો મુદ્દો ઉઠાવવાનો પાકિસ્તાનનાં પ્રયાસ ત્યારે આંચકો લાગ્યો જ્યારે ટોચની વૈશ્વિક સંસ્થાના અન્ય સભ્યોએ કહ્યું કે આ મુદ્દે ચર્ચા માટે આ યોગ્ય સ્થાન નથી.
યુએનએસસીમાં ભારત તેની રાજદ્વારી ચાલ દ્વારા પાકિસ્તાનને હરાવવામાં સફળ રહ્યું. સુરક્ષા પરિષદની ક્લોઝ ડોર મીટિંગ બોલાવવામાં આવી હતી, જેમાં આફ્રિકન દેશોને લગતા મુદ્દા પર ચર્ચા કરવામાં આવી હતી, જેમાં ચીને કાશ્મીર મુદ્દે અન્ય કોઇ કાર્યકારી મુદ્દા હેઠળ ચર્ચા કરવા વિનંતી કરી હતી. સૂત્રોએ જણાવ્યું હતું કે ફ્રાન્સની સ્થિતિ બદલાઇ નથી અને તે સ્પષ્ટ છે કે કાશ્મીર મુદ્દા દ્વિપક્ષીય રીતે ઉકેલવો જોઇએ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
