દેશમાં કોરોના વાયરસના કેસમાં વધારો જોવા મળી રહ્યો છે ત્યારે કેરળમાં કોરોના કેસની સાથે વધુ એક વાયરસનો ખતરો મંડરાઈ રહ્યો છે. વાયનાડ જિલ્લામાં નોરોવાયરસનો કેસ નોંધાયો છે. દૂષિત પાણી અને ખોરાકથી નોરોવાયરસ નામનો રોગ ફેલાઈ રહ્યો છે. આ પશુજન્ય રોગને લઈને સરકારે સતર્ક રહેવા સૂચના આપી છે. સ્વાસ્થ્ય મંત્રી વીણા જ્યોર્જે શુક્રવારે લોકોને આ અંગે સાવચેત રહેવા કહ્યું અને ગાઈડલાઈન જારી કરી.
લોકોને સજાગ રહેવા સૂચના
આરોગ્ય મંત્રીએ આ રોગને રોકવા અને તેના વિશે જાગૃતિ ફેલાવવા માટેની પ્રવૃત્તિઓને વધુ તીવ્ર બનાવવા નિર્દેશ આપ્યો હતો. તેમણે આદેશ જારી કરીને લોકોને સતર્ક રહેવા જણાવ્યું છે. વીણા જ્યોર્જની અધ્યક્ષતામાં યોજાયેલી બેઠકમાં આજે વાયનાડની સ્થિતિનું મૂલ્યાંકન કરવામાં આવ્યું હતું. તેમણે કહ્યું કે અત્યારે ચિંતા કરવાની કોઈ વાત નથી, પરંતુ સાવધાન રહેવું જરૂરી છે.
આરોગ્ય મંત્રીએ કહ્યું કે આ રોગને યોગ્ય નિવારણ અને સારવારથી નિયંત્રિત કરી શકાય છે. તેથી જ દરેક વ્યક્તિએ આ રોગ અને તેનાથી બચવાના ઉપાયો વિશે જાણવું જોઈએ. નોરોવાયરસ એ વાયરસનું એક જૂથ છે જે પેટની વિકૃતિઓનું કારણ બને છે. તેની પકડમાં રહેલા વ્યક્તિને ઉલ્ટી અને ઝાડા થાય છે. નોરોવાયરસ તંદુરસ્ત લોકો પર વધુ અસર કરતું નથી, પરંતુ તે નાના બાળકો, વૃદ્ધો અને અન્ય રોગોવાળા લોકોમાં ગંભીર હોઈ શકે છે.
સર્વે / પંજાબમાં કોણ મારશે બાજી,મુખ્યમંત્રી તરીકે પ્રજા કોને પસંદ કરે છે જાણો સર્વેમાં…
વિરોધ / આઝાદી ભીખમાં મળી છે તેવા કંગનાના નિવેદનથી દેશમાં વિરોધ,પદ્મશ્રી પરત લેવાની ઉઠી માંગ
