Mahesana News: ખેરાલુ તાલુકાના મિયાસણ-નદાલી વિસ્તારમાં મોડી રાત્રે ફાયરિંગ (Kheralu Firing)ની ઘટના બનતાં ચકચાર મચી ગઈ હતી. ખેતર તરફ જઈ રહેલા કનુસિંહ પરમાર પર અચાનક ગોળીબાર કરવામાં આવ્યો હોવાની માહિતી સામે આવી છે. આ ઘટનામાં કનુસિંહને પેટના ભાગે ગોળી વાગતાં તેઓ ગંભીર રીતે ઘાયલ થયા હતા.
Kheralu Firing: ખેતર પાસે પહોંચતા અચાનક ફાયરિંગ
મળતી માહિતી પ્રમાણે કનુસિંહ પરમાર પોતાના ખેતર પાસેથી પસાર થઈ રહ્યા હતા. આ દરમિયાન ખેતરમાં અગાઉથી છુપાઈને બેઠેલા અજાણ્યા શખસે તેમના પર અચાનક ફાયરિંગ કર્યું હોવાનો આક્ષેપ છે. ફાયરિંગ (Kheralu Firing)માં કનુસિંહને પેટના ભાગે ગોળી વાગી હતી. ગોળી વાગતાં તેઓ ગંભીર રીતે ઈજાગ્રસ્ત થઈ જમીન પર ઢળી પડ્યા હતા. ઘટનાને પગલે આસપાસના લોકો અને પરિવારજનોને જાણ થતાં તેઓ તાત્કાલિક ઘટનાસ્થળે પહોંચ્યા હતા.
પ્રથમ વડનગર સિવિલ, બાદમાં અમદાવાદ રીફર
ઈજાગ્રસ્ત કનુસિંહને તાત્કાલિક સારવાર માટે વડનગર સિવિલ હોસ્પિટલ લઈ જવામાં આવ્યા હતા. જોકે પેટના ભાગે ગોળી વાગી હોવાથી તેમની સ્થિતિ ગંભીર જણાતા તબીબોએ વધુ સારવાર માટે તેમને અમદાવાદ સિવિલ હોસ્પિટલમાં રીફર કર્યા હતા. મળતી માહિતી મુજબ અમદાવાદ સિવિલ હોસ્પિટલમાં તબીબોની ટીમ દ્વારા કનુસિંહની સારવાર કરવામાં આવી છે અને ઓપરેશન હાથ ધરવામાં આવ્યું હોવાનું જાણવા મળે છે.
પોલીસ અને ડોગ સ્ક્વોડે તપાસ શરૂ કરી
ફાયરિંગ (Kheralu Firing)ની ઘટનાની જાણ થતાં ખેરાલુ પોલીસની ટીમ ઘટનાસ્થળે પહોંચી હતી. સાથે જ ડોગ સ્ક્વોડની મદદથી પણ તપાસ હાથ ધરવામાં આવી હોવાનું જાણવા મળે છે. પોલીસ દ્વારા ઘટનાસ્થળેથી સંભવિત પુરાવા એકત્ર કરવા તેમજ ફાયરિંગ કરનાર શખસ સુધી પહોંચવા માટે તપાસ શરૂ કરવામાં આવી છે.
હુમલા પાછળનું કારણ શું?
હાલમાં ફાયરિંગ પાછળનું ચોક્કસ કારણ સ્પષ્ટ થયું નથી. પ્રાથમિક તપાસમાં અંગત અદાવત સહિતના વિવિધ કારણો અંગે તપાસ કરવામાં આવી રહી હોવાનું જાણવા મળે છે. કનુસિંહ પરમારને નિશાન બનાવીને હુમલો કરવામાં આવ્યો હતો કે પછી ઘટનાની પાછળ કોઈ અન્ય કારણ છે તે અંગે પોલીસ તપાસ બાદ જ વધુ વિગતો સામે આવી શકે છે.
હજુ સત્તાવાર ફરિયાદ નોંધાઈ નથી
આ ઘટનાને લઈને હાલ સુધી પોલીસ ચોપડે સત્તાવાર ફરિયાદ નોંધાઈ ન હોવાનું જાણવા મળે છે. તેથી ફાયરિંગની ચોક્કસ પરિસ્થિતિ, આરોપી કોણ હતો અને હુમલા પાછળનું કારણ શું હતું તે અંગે પોલીસની સત્તાવાર તપાસ મહત્વની રહેશે. હાલ કનુસિંહ પરમારને અમદાવાદ સિવિલ હોસ્પિટલમાં સારવાર આપવામાં આવી રહી છે. બીજી તરફ ખેરાલુ પોલીસ સમગ્ર મામલે તપાસ કરી રહી છે અને ફાયરિંગ (Kheralu Firing) કરનાર શખસની શોધખોળ હાથ ધરવામાં આવી છે.
આ પણ વાંચો:મહેસાણામાં ફાયરિંગ કેસમાં 6 આરોપી ઝડપાયા
આ પણ વાંચો:મહેસાણામાં પકવાન હોટલ સામે ફાયરિંગથી ચકચાર
આ પણ વાંચો:મહેસાણામાં ફટાકડા ફોડવાને કારણે છ રાઉન્ડ ફાયરિંગ, એક વૃદ્ધનું મોત
