બાંગ્લાદેશ સામેની મેચ દરમિયાન હાર્દિક પંડ્યા ઈજાગ્રસ્ત થયો હતો. જ્યારે પંડ્યાએ પોતાના જ બોલમાંથી આવતા સીધા બોલને પગ વડે રોકવાનો પ્રયાસ કર્યો ત્યારે તે પડી ગયો અને ઈજાગ્રસ્ત થયો. ત્યાર બાદ ભારતના દિગ્ગજ બેટ્સમેન વિરાટ કોહલી બોલિંગ કરવા આવ્યા હતા. હાર્દિક પંડ્યા માત્ર 3 બોલમાં જ ઈજાગ્રસ્ત થયો હતો. બાકીના 3 બોલ ફેંકવા માટે બોલ વિરાટ કોહલીને સોંપવામાં આવી હતી. આજે વિરાટ કોહલીએ 6 વર્ષ પછી બોલિંગ કરી. આ દરમિયાન સમગ્ર સ્ટેડિયમ કોહલી-કોહલીના નારાથી ગુંજી ઉઠ્યું હતું.

કોહલીની બોલિંગમાં રેકોર્ડ

હાર્દિક પંડ્યા નવમી ઓવરમાં ઈજાગ્રસ્ત થયો હતો. ત્યાર બાદ બોલિંગ કરવા આવેલા વિરાટ કોહલીએ 3 બોલમાં 2 રન આપ્યા હતા. આ દરમિયાન ચાહકોમાં ઉત્સાહ જોવા મળ્યો હતો. કોહલીની બોલિંગ જોઈને ફેન્સ કોહલી-કોહલીના નારા લગાવવા લાગ્યા હતા. વિરાટ કોહલી આ પહેલા પણ બોલિંગ કરી ચૂક્યો છે. કોહલીના નામે ODIમાં 4 વિકેટ, T-20માં 4 વિકેટ અને IPLમાં પણ 4 વિકેટ છે. પરંતુ આજે વિરાટે 6 વર્ષ બાદ બોલિંગ કરી છે. કોહલીની બોલિંગનો વીડિયો સોશિયલ મીડિયા પર વાયરલ થઈ રહ્યો છે.

https://twitter.com/WorldCup23_/status/1714946153010086318

ICCએ વિરાટ કોહલીની બોલિંગનો વીડિયો પણ સોશિયલ મીડિયા પર અપલોડ કર્યો છે. આ વીડિયો ખૂબ જ શેર કરવામાં આવી રહ્યો છે. જોકે, હાર્દિક પંડ્યાની ઈજા ભારત માટે ખરાબ સમાચાર છે. ઈજાગ્રસ્ત થયા બાદ પંડ્યાએ ફરીથી બોલિંગ કરવાનો પ્રયાસ કર્યો, પરંતુ પગમાં મચકોડને કારણે તે બોલિંગ કરી શક્યો નહીં, જેના પછી તેણે મેદાન છોડવું પડ્યું. હવે ચિંતાની વાત એ છે કે જો હાર્દિકની ઈજા વધુ ઊંડી જશે તો તેને આગામી મેચમાંથી પણ બહાર રહેવું પડી શકે છે.

આ પણ વાંચો: Kolkata/ “કામેચ્છા પર કન્ટ્રોલ રાખો”, હાઈકોર્ટે સગીરોને કેમ સલાહ આપવી પડી?

આ પણ વાંચો: Expressway/ એક જ એક્સપ્રેસવેથી પાંચ રાજ્યોની કિસ્મત પલ્ટાશે

આ પણ વાંચો: Israel Hamas War/ હિઝબુલ્લાના અમેરિકા પર પ્રહાર! સીરિયામાં યુએસ સૈન્ય બેસ પર રોકેટ હુમલો